Emɔs 9:9 - mzwDBL

⁹ Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Emɔs 9:9 ပူးပေါင်းရင်းမြစ်များ

Amanesoma Luk Aa Chwera Tɔn 22:31

Yeesu berɔ ŋɔ, “Seemɔn, no! Bɔnsam soŋe Korowii ŋwɛnɛ dɛ́ daah heyaa na, kɛŋɔ haah yon palɛ mea dɛ laa a haahra kpɔ a ta la ken.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Jeremia 31:36

A ɡɛ kwaa aa lɔ nyundua nɔ ɛɛ ɡel toma ɛɛ yaa, amɔ dɛ ɡɛɛ Israel harɛ nɛra ɡe aa wola lee do.

Jeremia 46:28

N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Jeremia 49:36

Mɛɛ ɡeloo dɔma le harɛ nɔ ta bobɛlbwa dɛ́ ba yo Elam tena laa, dɛ́ lɔ ba peɡre bobɛlbwa, harɛ bɛlbwa aa ka baa wola belaa do.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 36:19

N lɔ ba peɡre harɛre ane ta, ba do harɛre ta bobɛlbwa, asɛ n pa ba bolchɔɡe ba we-ɛɛla la wa.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Aesaya 28:28

Namaa wɛɛ namɛ mea, dɛ́ kpɔ ɛ paanoo. Lɔe laa wɛɛ lɔa. Saŋ bɛlbwa laa o teŋɛ dɛɛ lɔ mea. Lɔe wɛɛ lɔa, ásɛ a bie le. Nama laa wɛɛ nama.

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.