Emɔs 9:7 - mzwDBL

⁷ Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Emɔs 9:7 ပူးပေါင်းရင်းမြစ်များ

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

2 Webena 14:12

Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

2 Webena 14:9

Sɛra waa le Itiopia kpɔ laa tena baa wara kohona, ne kwaa aa do kɛ torɔɡore lafraatoro dɛ ba bwɛjen Maresa.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Aesaya 20:4

Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Jeremia 13:23

Itiopia te ɛɛ won charɛ bwadabi aa? Kɛɛ noniete ŋɔ waa nyin kɛ o bwara lɛɡre aa? Gɛɛ he nɛra wechɔɡa aa jooɡe heyaa nɔ aa wola won ɡel hɛɛ ɛ wedɛɛɡa.

Jeremia 47:4

Filisti tena bwa chɔɡa tɔpere la telo, ba dɔma dɛ ba ba kpoo banɔ la bwa baa kaa, ásɛ nomɛlbwa aa won cha Taaya ne Sidon kpa. Men Korowiirii dɛ́ chɔɡ Filisti tena, ne nɛra ba fa aa soɡe Kret ekwi harɛ ta bwa.

Hosia 12:13

Korowii cheɡɛ o keame Mosis nɛɛ dɛ lawɛ Israel tena le Ijipt harɛ ta, dɛ ɡel o nyiŋi ba nɛ.

Emɔs 1:5

Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Mmarare 2:23

Gɛɛ Avi tena baa soɡe bwɛjeɡre ane ta ka tel Gasa ɡe faa na. Nɛra bane baa dɛ yer ba Kaftɔ tena aa le Kaftɔ dɛɛ ba la, ba kpoo ba dɛ so ba buɡ ta.