Emɔs 9:5 - mzwDBL

⁵ Korowii, onee Koranar Bwa Kooro, onee kpɔ nɔn leɡe harɛ wɛɛ mwɛɛ, asɛ nɛra baa lɔ o ta bwa ɛɛ wi. Harɛ la bwa ɛɛ beɡre kɛŋɔ Nael Moo yon su, dɛ́ berɛ hweeh ka chɔ o buɡ ta la.

Emɔs 9:5 ပူးပေါင်းရင်းမြစ်များ

Yela 104:32

O nyiŋi harɛ aa, o dɛ jiɡri, o leɡe bwejena chuu ɛɛ le a ta.

Yela 144:5

N Naa Korowii, forɛ le nyundua, dɛ́ tu ba harɛ. Kpɔ nɔn leɡe bwejena, dɛ́ ɡel chuu le a ta.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 97:5

Bwejena dɛ mwɛɛ kɛŋɔ tohkel, Korowii waa dɛ di kora harɛ nɔ nɛra bwa nɛɛ la sie.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Jeremia 12:4

Saŋ besoo harɛ nɔ ɛɛ ba hola ka tel mɔɔ kpɔɡa bwa hol ɔ? Dɛkalkɛ nyubinikpeɡ tena soɡe o ta, a ɡel kpɔɡ bini ola ne jumbii bwa serewe. A bwa habɔɔ la, nɛra la dɛ bol ŋɔ, ‘Korowii aa waa aa pu yaa nae ba.’ ”

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Matiu 7:27

Bwaala nɛo, nenapala suuɡi, asɛ peujen ta, asɛ dea la chole biram!”

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.