Emɔs 9:3 - mzwDBL

³ Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Emɔs 9:3 ပူးပေါင်းရင်းမြစ်များ

Mumpar 3:8

Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na.

2 Samoɛl 22:46

Ba bambile chɔɡɔ, dɛ kpɔ bochela le ba dekpeɡa bini dɛɛ ba.

Job Tɔn 22:13

Kɛ he ŋɔ, ‘Bɔkwaa Korowii jemɔɔ? Wɛɛ do biro nɔ taa dɛ́ bol nɛra waa dɛ́ pa bole aa?

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.

Yela 68:23

ásɛ he valɛ kpɔ ba chal ta, he nyootena ɡe kpɛla ɡɛ aa dɛ nyin.”

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Jeremia 16:16

Korowii ŋɔ wɛɛ ɡeloo dɔma baa wara ba lawɛ nɛra nɔ, kɛŋɔ nɛra baa dɛ ɛ nee toma yon dɛɛ lawɛ pɛŋa la ken. Dɛ́ ɡel dɔma ɡaaɡe ba bɔr bwea ne deŋɡarere dɛ bwebɔɔne bwa ta, kɛŋɔ kpaahna yon dɛɛ nyin ola dɛ́ kpo la ken.

Emɔs 1:2

Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”