Emɔs 9:13 - mzwDBL

¹³ Korowii ŋɔ, “Tɔpera la dɛ ba, ásɛ nɛn waa dɛ parɛ tɔ nɛn waa dɛ komɛ sie, onɔ la waa dɛ du ɡe tɔ nɛn waa dɛ tiɡri ɡrepo nɔna sie. Senfala ɛɛ koruu le bwejena dor dɛ́ palɛ kpɔ deŋɡarere ta.

Emɔs 9:13 ပူးပေါင်းရင်းမြစ်များ

Mumpar 49:11

Daa baa kpɔ o nɔna dɛɛ ɛ sen la taa wɛɛ ba o keeɡo bie lawa vɔwɛ. A sen nee wɛɛ ba o laala chɛɡa.

Yela 97:5

Bwejena dɛ mwɛɛ kɛŋɔ tohkel, Korowii waa dɛ di kora harɛ nɔ nɛra bwa nɛɛ la sie.

Aesaya 16:10

Silɛɛ ne hɛɡra toole daa kooni ta kpa. Nomɛlbwa aa yela kɛɛ lɔŋɔree do daa kooni ta kpa. Nomɛlbwa ɡe aa a nɔna ta tiɡri a nee le a ta kpa. Silɛɛ ɡbɔɡa teŋo.

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Joel 2:24

Mea lɔbɔra bwa ɛɛ su meaa, ásɛ ɔleve noo ne senfala su vɛɛhna dɛ́ɛ ta.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Joel 3:20

Nɛra ɛɛ so Juda ne Jerusalam harɛ saŋ bɛlbwaa, ka tel naanar baa ka ba bwa saŋ.

Lewi Dea Tena 26:5

Kondikwaa bala aa ba kohona nomanta, hɛɛ do mea lɔɔra taa dɛ daa nɔna chaara joɔ, ásɛ haa ba chaa daa nɔna ɡe la, dɛ mea ɡe dui saŋ telo. Hɛɛ dɔ kondikwaa bɛlbwa haa dɛ nyinii dɛ́ di, dɛ́ so deŋnesɔɔhna ta he harɛ ta.

Emɔs 9:5

Korowii, onee Koranar Bwa Kooro, onee kpɔ nɔn leɡe harɛ wɛɛ mwɛɛ, asɛ nɛra baa lɔ o ta bwa ɛɛ wi. Harɛ la bwa ɛɛ beɡre kɛŋɔ Nael Moo yon su, dɛ́ berɛ hweeh ka chɔ o buɡ ta la.

Amanesoma Jɔn Aa Chwera Tɔn 4:35

He laa yon ŋɔ ba du kwa aa, korobie anaarɛɛ aa di mɔɔ baa koma la aa? Kasinteŋ, he bɛ chɔ. Hé ta sie na koo kwaa bwa aa bea ne koma ɡɛ!

Sitɔɔla 5:5

Bwejena jiɡro hen Korowii waa ɛ Sinai Bwejen dɔɔ sie, Korowii Israel tena aa dɛ tomɛ la bala ta.