Emɔs 9:11 - mzwDBL

¹¹ Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Emɔs 9:11 ပူးပေါင်းရင်းမြစ်များ

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Yela 143:5

N lii tɔpera aa baa kaa la, dɛ lii toma haa ɛa bwa naa, n dɛ na we-ɛɛla haa ɛa bwa.

Yela 80:12

Ɛrɛɛ he ɡel nɛŋhɔɔhra dɔ bɔr kuuɡi kon baa kpɔa ke daa la nɔɔ? Nomɛlbwa teŋo baa kaa laa, wɛɛ won ba tɔɔ o nɔna di.

Yela 89:40

He kuuɡi o bwɛjen danjwɛɛre bwa, o danjwɛkpeɡa bwa chɔ harɛ.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Aesaya 65:9

Mɛɛ swee Israel tena baa ɛ Juda dea tena andɛɛɡaa, ásɛ ba naanar so bwejena dor. Nɛra maa lee ba tɛ n te, baa tom mɛ laanee dɛɛ ba bela soɡa.

Jeremia 18:9

Gɛɛ dɛ n ŋɔ mɛɛ che harɛ bɛl nɛra habɔɔ dɛ́ ɡel ba won vɔrɔwe ba bwɛɛ la ó che kiŋkiŋ,

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Jeremia 46:26

Mɛɛ laɡ baa do nɛra baa dɛ nyin ba dɛ́ kpo nɔn ta. Banee, Babelɔn Kooro Nebukadnesa ne o laa tena. Kɛ a habɔɔ nɛra ɛɛ berɔ ba so Ijipt harɛ ta kɛ saŋ la ja. Men Korowiirii bola.”

Wiile 5:21

N Naa Korowii, berɛ lawɛ yaa ba he be. Berɛ ɡel ya dɔ silɛɛ o fa aa lole wubwa la.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Obadia 1:17

Kɛ Jekɔb dea bii bane ɛɛ dɔ ba nyuu Saayɔn Bwejen la ta, ásɛ o ɛ bɔr waa do ɡoroŋ, bá berɛ dɔ harɛ waa ɛ ba kapɛrɛ kon wubwa la.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Maeka 7:11

Jerusalam tena, tɔpere bɛl dɛ ba ásɛ he berɛ kwaa ma he bwɛjen danjwɛɛre la, dɛ́ paɡri he harɛ jwɛhre kaa sie.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Sekaria 12:7

Korowii ɛɛ tɔ sie lɛ Juda dea tena mɔɔ, ɡɛ aa ɛ Kooro Devid naanar ne nɛra baa soɡe Jerusalam la jirima bɛ Juda tena ɡwaa.

Sekaria 14:10

Harɛ la bwa, dɛ le Geba kaa Remɔn waa lɔ Jerusalam weekaŋle harɛbɔr ɛɛ chɔɔ kaa Jɔɔdan Moo la ta. Ásɛ bela Jerusalam aa lole la dawɛ nyundua o buɡ ta, dɛ́ le Bɛnjamen Doonyoa dɛ́ kaa bela Doonyoa Waa Tɔ Sie la aa lole la, ne Loŋkora Doonyoa, dɛ́ teŋe kaa Hananɛl Dejaŋ, dɛ́ kaa bela baa dɛ harame kooro daa nɔna nee dɛ kpɔ dɛɛ ɛ sen la ta.

Sekaria 6:12

Bol o be ŋɔ men Koranar Bwa Kooro ŋɔ, ‘N bonɔɔ waa do kɛ Daa Kpale la ɛɛ ta kpalee le bela waa lole, dɛ́ berɛ ba kwaa ma men Korowii Dea la.

Nɛra Kura 24:18

Israel tena ɛɛ pɔ Edom tena nɛɛ, baa pɔ ba dɔma Sɛɛ tena nɛɛ. Kɛ dɛ ta do kpeɡri kɛrɛdɛ.