Emɔs 9:1 - mzwDBL

¹ N na Korowii kɛŋɔ waa cheɡɛ kon baa dɛ ɛ saraha o ta la jwɛh, dɛ ŋɔ, “Kpɔ kon lɔ pilare la doa ásɛ Dea la doonyoa danjwɛɛre yiiɡi. Ásɛ a peri kuuɡi le nyundua ba le nɛra la nɛɛ ba serewe. Ba bini banɔ la baa ka la, mɛɛ kpoo ba laa taa. Ba bɛlbwa aa won le, beŋkpoŋ ɡba aa bɔree dɔ chwa.

Emɔs 9:1 ပူးပေါင်းရင်းမြစ်များ

2 Webena 18:18

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Yela 68:21

Kasinteŋ, Korowii ɛɛ paɡre o dɔma nyuunee, banɔ la ba taa lɔ wechɔɡa ɛɛ ta la.

Yela 68:22

Korowii ŋɔ, “Mɛɛ le he dɔma ne Basan harɛɛ ba, mɛɛ le ba ne mpo vile binii,

Aesaya 30:16

He dɛ bol ŋɔ, ‘Akai, yaa so jaɡre taa dɛ chwa kaa.’ A wer ɡa. Hé so jaɡre ta chwa. He dɛ lii kɛŋɔ he jaɡre ɡbaŋre, kɛ nɛra baa ti heyaa la kwaa ɡbaŋre ɡwaa he kwa.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 42:16

amɔ laa haa dɛ ɔmɛ laanee dɛ́ ba he nɛ, lɔr haa dɛ ɔmɛ kohona la ɡe ɛɛ teŋɛ he nɛɛ kaa Ijipt harɛ ta, ásɛ he serewe bela.

Jeremia 48:44

Nomɛlbwa koh ɔmee kohona la waa chwa dɛɛ kaa laa, wɛɛ le bɔɔ binii. Bɛlbwa ɡe waa ŋɔ wɛɛ leo la, belii dɛɛ ba o lawa, dɛkalkɛ Moab tena deŋnetɛra saŋ telo ń kpɔ ba ta ba nɛ. Men Korowiirii bola.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Ɛsekeɛl 15:7

Mɛɛ tɛr ba deŋnee. Ba le nii ane nyoa te, nii la ɛɛ berɔ fuuh ba. Maa ba tɛr ba deŋne la, anee he jemɛ kɛŋɔ menee Korowii.

Ɛsekeɛl 9:2

Belaa n na baala banumɛl ba le Korowii Dea doonyoa o sie aa chaɡɛ weekaŋle nyunduabɔr dɛɛ ba, bɛlbwa kpoŋe dɔmkon. Dɛ baa bɛl jao dɛ tɔ yapoŋ, asɛ kwaa waa kpɔa dɛɛ chwerɛ do o be. Ba bwa baa jo Dea la bini dɛ ba che saraha kon baa kpɔ ayaawa ɛo jwɛh.

Emɔs 3:14

“Awola maa ba tɛr Israel tena deŋne ba wechɔɡa waa la, mɛɛ paɡre kwaa baa dɛ ɛ saraha a ta Bɛtel bwaa, dɛ́ kuuɡi kwaa aa do kɛŋɔ nyeɡlare dɛ paaɡe a ta bwaa bil harɛ.

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

Habakuk 3:13

He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Sefania 2:14

Peera ne nae dɛ ola bwa soo siwi ɛɛ kpɔ belaa berɛ a chɔɔbɔra. Kwiure kpɔ o dimɡbeeni berɛ a sobɔra, a sii ɛɛ le a tokorore taa, ásɛ ɡaahɡaahre ɡe ɛɛ si a doonyoo. Peleme daa baa kpɔa ɛ doli dawɛ deene la ta la bwa chɔ baŋ.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 1:32

Jɔn bol Yeesu waa ja ŋɔ, “N na Korowii Doma la aa le nyundua kɛŋɔ borɔnoma, dɛ ba so o nɛ.

We-ɛɛla 26:13

N Naa kooro, yaa lɔ ŋwɛnɛ ta dɛɛ kaa la, ɡɛ saŋ wee aa cheɡɛ nyufala la, n ne nyiŋa dɛ nii le nyundua dɛ chaah bɔr ɡwaa wee, dɛ chaah bɔr bar n ne nɛra yaa dɛ valɛ la.

Josua 10:18

asɛ o ŋɔ, “Hé ɡbili bwejena ba tɔ bwebɔɔ la nyoa, dɛ́ le n nɛra la bane bá che dɛɛ daah bela.

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.