O le tɔpejen cheɡ korobinuatoro o tɔpera fi dɛ anue ta, kɛŋɔ anɔ la baa dɛ dia Juda la ken, dɛ ɛ sarahare kon baa dɛ fuh kwaa o ta. O ɛ saraha kon Bɛtel, ba kpɔ nabali ɛ sarahare beŋkpoŋ waa kpɔ suuɡaswɛm ɛo la ta. Bɛtel bela la, o kpɔ kerekpoŋra so voɡa waa ɛa deŋɡarere ta la ta.
Kɛ dɛ o ta teŋɛ Kooro Jɛroboam wechɔɡa waa ɛa dɛ ɡel Israel tena ɡe ɛ wechɔɡa dɛ jo Korowii nɛɛ la ta, suuɡaswɛm baa kpɔa ɛ nabali a che bwɛɛre anɛ ane baa dɛ yera Bɛtel ne Dan la.
Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.
Asɛ dɛ berɛ ŋɔ, ‘Gɛ maa ɡela bwe la morɛ la, ɡɛɛ mɛɛ ba ɡela Babelɔn chɔɡ baa wola won kwaa vɔrɔwo kpa, wenaale Korowii aa kpɔa dɛɛ ba ba ta ba nɛɛ la wa.’ ” Men Korowii keame Jeremia, n wobol jaɡɛ bonɔ.
Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.
Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”
Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”
A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!
Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.
Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.
Ba fa baɡle Apolos Yeesu bwara waa ne o ŋwɛnɛre bwa, asɛ o jema, dɛ ɡe ɛɛ baɡla o bokpeɡa bwa ne. Kɛ, dɛ Jɔn o fa aa dɛ sɔ nɛra Korowii nee la waa waa baɡle nɛra Yeesu waa la ɡboo o no.
Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.
Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.
dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.