Emɔs 8:10 - mzwDBL

¹⁰ Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Emɔs 8:10 ပူးပေါင်းရင်းမြစ်များ

Mumpar 21:16

asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.

Job Tɔn 20:23

Korowii ɛɛ kpɔ o bandia kohonaa ba ba nɛ, dɛ́ tɛr ba deŋne, saŋ ba ta aa lɔ kwaa la ta dɛɛ di la.

Job Tɔn 3:5

Gel biro o bini aa ɔma tɔ ɡɛ tɔpere la ta, kpɔ baama tɔ o ta o waa le, bochaah bɛ o ta ba kpa bwa.

Job Tɔn 30:31

N harame n janjela dɛɛ lɔ wii yela, dɛ hoh n kalipe dɛɛ taa wiile.”

Aesaya 3:24

Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Wiile 5:15

Silɛɛ toole ya bini kpa. Ya dɔ silɛɛ aa, anee ya yon dɛɛ sa, taraken te ya dɛ wi, dɛkalkɛ ya lɔ suna dii ta.

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Hosia 2:11

Mɛɛ ɡeloo o tɔpejena dii ba a jaɡa. Benanyoa ne Korobifala Tɔpejena, ne Ona Tɔpera dii dɛ tɔpejena waa lea cheɡ bwa.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Joel 1:8

Hɛ́ɛ wi kohona kɛŋɔ bitolo aa liɡe lweyal dɛɛ wi o bechajaa waa sewa la ken.

Lewi Dea Tena 13:40

Dɛ baa nyu ɡbao o nyumpona bwa tonɛ kwaraa naa, doŋa bɛlbwa toole o nɛ.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Emɔs 5:23

Hé kpɔ he ɡbɔɡa yela le n nɛ. Maa he janjela yela nyin dɛ́ no.

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.