Emɔs 7:8 - mzwDBL

⁸ Korowii bɔɔ mɛ ŋɔ, “Emɔs, bɔkwaa hɛɛ na nɔ?” Asɛ n chaŋe ŋɔ, “Ŋwɛn baa kpɔa dɛɛ toɡre danjwɛɛ.” Ate, Korowii ŋɔ, “N kpɔɔ dɛɛ baɡle kɛŋɔ n nɛra do kɛŋɔ danjwɛɛ waa ɡola. Maa ba deŋnetɛraa kpɔ kɛ ba kpa.

Emɔs 7:8 ပူးပေါင်းရင်းမြစ်များ

2 Koranar 21:13

Mɛɛ bol Jerusalam tena waa dɛ́ pa ba bolchɔɡe kɛŋɔ maa ɛ Samaria tena, ne Israel Kooro Ahab, dɛ o naanar la. Mɛɛ le Jerusalam tena bwa nee kɛŋɔ, ba yon kpɔ kon fee hɛna bini, dɛ laa o doŋa bwa kpɔ dɛ berɛ pi la ken.

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 34:11

Kwiu bwa soo siwi, ne ɡaahɡaahre lɛ bela dɔɔh. Korowii ɛɛ ɡeloo harɛ la berɛ dimɡbia waa wola maree dɔ.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Wiile 2:8

Korowii siwi beɡrɔ kɛŋɔ Saayɔn danjwɛɛ kuuɡi. O maɡɔ cheɡ kɛŋɔ ó chɔɡo kwaraa. Danjwɛɛre la do kɛŋɔ nɛra aa dɛ wi ken, a ta bokpeɡa bɛlbwa dɔe kpa.

Hosia 1:6

A habɔɔ, Goma berɔ lolɛ bihaah, asɛ Korowii ŋɔ Hosia be ŋɔ, “Pa o sɔn Lo Ruhama, dɛkalkɛ maa nyin kɛ ń baɡle nyina Israel tena nɛ, maa ba wechɔɡa ɡee kpɔ kɛ ba kpa.

Emɔs 7:7

Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Sekaria 4:2

O bɔɔ mɛ ŋɔ, “Bɔkwaa he na nɔ?” Asɛ n chaŋe ŋɔ, “N na kandea daa baa kpɔ suuɡaswɛm tenten ɛo, asɛ loɡ baa dɛ do noo o ta chɔŋɛ o doa. Kandere anuanɛ lɔ o ta, asɛ bɛlbwa dɔ bɔɔne anuanɛ baa do ŋwɛɛra a ta.

Sekaria 5:2

Ate, Korowii nyundua torome la bɔɔ mɛ ŋɔ, “Bɔkwaa he na nɔ?” N chaŋe ŋɔ, “N na tɔn waa lɔ nyundua. O jaŋne lɔ naɡale fifraatoro, asɛ o paɡri ɡe naɡale fi dɛ anue.”