Emɔs 7:7 - mzwDBL

⁷ Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Emɔs 7:7 ပူးပေါင်းရင်းမြစ်များ

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Koranar 21:13

Mɛɛ bol Jerusalam tena waa dɛ́ pa ba bolchɔɡe kɛŋɔ maa ɛ Samaria tena, ne Israel Kooro Ahab, dɛ o naanar la. Mɛɛ le Jerusalam tena bwa nee kɛŋɔ, ba yon kpɔ kon fee hɛna bini, dɛ laa o doŋa bwa kpɔ dɛ berɛ pi la ken.

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 34:11

Kwiu bwa soo siwi, ne ɡaahɡaahre lɛ bela dɔɔh. Korowii ɛɛ ɡeloo harɛ la berɛ dimɡbia waa wola maree dɔ.

Wiile 2:8

Korowii siwi beɡrɔ kɛŋɔ Saayɔn danjwɛɛ kuuɡi. O maɡɔ cheɡ kɛŋɔ ó chɔɡo kwaraa. Danjwɛɛre la do kɛŋɔ nɛra aa dɛ wi ken, a ta bokpeɡa bɛlbwa dɔe kpa.

Ɛsekeɛl 40:3

O la n ne bela, asɛ n na baa bɛl waa cheɡɛ deene la doonyoa dɛɛ nyɛɡle kɛŋɔ ayaawa. O kpoŋe ŋwɛmpoŋ ne daa baa kpɔa dɛɛ maɡɛ kwa.

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Emɔs 7:8

Korowii bɔɔ mɛ ŋɔ, “Emɔs, bɔkwaa hɛɛ na nɔ?” Asɛ n chaŋe ŋɔ, “Ŋwɛn baa kpɔa dɛɛ toɡre danjwɛɛ.” Ate, Korowii ŋɔ, “N kpɔɔ dɛɛ baɡle kɛŋɔ n nɛra do kɛŋɔ danjwɛɛ waa ɡola. Maa ba deŋnetɛraa kpɔ kɛ ba kpa.

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Wepila 11:1

Ba kpɔ daa bɛl baa kpɔa dɛɛ maɡɛ kwaa o do kɛŋɔ daŋɡbala tɛ mɛ, dɛ ŋɔ n be ŋɔ, “Korowii ŋɔ hé ir kpɔ daa nɔ ka maɡɛ Korowii Dea ne bela baa dɛ fuh kwaa dɛɛ tɛo la, dɛ́ kure nɛra baa dɛ tomɔ o bini la.

Wepila 21:15

Nyundua torome waa bol waa n be la kpoŋe suuɡaswɛm daa baa dɛ maɡɛ o ne kwa, dɛɛ ba bwɛɛ la ne o doonyoone dɛ danjwɛɛ la maɡa.