Emɔs 7:5 - mzwDBL

⁵ Belaa n ŋɔ, “Nemenɛ Korowii, n dɛ soŋe, ɡel! Ɛrɛɛ he nɛra ɛɛ ba wona so nɔ? Ba nɔn ta kao!”

Emɔs 7:5 ပူးပေါင်းရင်းမြစ်များ

Yela 85:4

Ya naa Korowii haa ɛ ya Lɛɛ, berɛ ɡel ya wobɛlbwa do wer tɛ yaa, bɛ ɡel he baah di ya nɛɛ kpa.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Nɛra Kura 14:19

Che he nyina waa kana kohona la ta, dɛ́ kpɔ nɛra nɔ wechɔɡa kɛ ba, ɡɛ haa kpɔa dɛɛ kɛ ba le saŋ baa le Ijipt harɛ ta dɛ ba le taraken nɔ la.”

Ɛsekeɛl 9:8

Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”