Emɔs 7:4 - mzwDBL

⁴ Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Emɔs 7:4 ပူးပေါင်းရင်းမြစ်များ

Emɔs 7:1

Nemenɛ Korowii ɡelɔ men Emɔs na waane wepila ta. N nao kɛŋɔ waa dɛ boa tontombɛ nyoa, ɡɛ saŋ dɛ ba teŋe kpɔɡa ba kpɔa dɛɛ tɛ kooro jaɡre tonɛ, kpɔɡa pa mun dɛɛ moɡɛ, asɛ nɛra pa mun dɛɛ du konfala.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”

Hibru 1:7

O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Emɔs 7:7

Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Emɔs 1:7

Anomanta, mɛɛ ɡeloo nii ba fuh danjwɛjena aa bar bwɛjen Gasa la, dɛ́ fuh o dekpeɡa bwa, dɛ́ chɔɡa.

Emɔs 1:4

Mɛɛ ba fuh koodem Kooro Hasael aa doo laanee, dɛ́ ba fuh Kooro Bɛn Hadad dekpeɡa la, dɛ́ chɔɡa.

Joel 2:30

Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Nɛra Kura 16:35

Asɛ nii le Korowii be, dɛ ba fuh nɛra lafraanɛ fifraanue baa dɛ fuh daawiile la bwa.

Lewi Dea Tena 10:2

Anomanta, Korowii ɡelɔ nii le buɡ la ta, o sie bela dɛ ba fuuh ba, ba bwa serewe.

Joel 1:19

N Naa Korowii, henee n wi dɛɛ no, nii fuh kondɛɛra dibɔra, dɛ fuh kpɔɡ bini daa bwa.

Emɔs 2:5

Anomanta, mɛɛ ɡeloo nii ba fuh Juda harɛ, dɛ́ fuh Jerusalam dekpeɡa, dɛ́ chɔɡa.”

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.