Emɔs 7:17 - mzwDBL

¹⁷ Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Emɔs 7:17 ပူးပေါင်းရင်းမြစ်များ

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Aesaya 13:16

Baa cheo dɛɛ nyiŋi ba lɔɔ ba bii kpoo, dɛ́ jo ba deremi dɛ́ bal ba laala dɛ paɡɛ ba haahna ɡe.”

Aesaya 22:18

Wɛɛ keerii kɛŋɔ bɔɔl ken, dɛ́ kpɔe ta harɛ waa paɡa ta. Belaa hɛɛ ba sewa, belaa he laa torɔɡore haa dɛ che a bini, dɛ kpɔ dɛɛ nyin sɔn la ɛɛ ba kae. Sihiih ɛɛ kpo he nomoa he waa.

Jeremia 14:16

Laa ne lɔr la nomanta, nɛra baa bol ɡɛ waa nɔ baɡ ba la ɡe ɛɛ serewoo, ásɛ ba paa ba ta Jerusalam fɔɡbaahna. Nomɛlbwa aa lee do dɛ́ huɡe ba ne ba haahna ne bibaala dɛ bihaahna bwa. Mɛɛ ɡeloo ba dɔ ba nyubinikpeɡ baa ɛa la kembɔr kɛrɛdɛ.”

Jeremia 20:6

Kɛ hen Pasur te, baa lawɛ he ne he dem tena bwaa kaa Babelɔn harɛ ta. Belaa hɛɛ ba sewa bá huɡe, he ne he bala haa teŋe nyosone kohona tɛɛ ba la bwa.’ ”

Jeremia 28:12

Keame Hanania aa ku daa waa dawɛ Jeremia baŋa ta habɔɔ la, Korowii bol waa men Jeremia be ŋɔ,

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Jeremia 29:21

Waa men Koranar Bwa Kooro, Israel tena aa dɛ tom mɛ aa dɛ bol Kolaya bibaa Ahab, ne Maaseya bibaa Sedekia waa nɔ. N ŋɔ, ‘Ba cheɡɛ n sɔn ta dɛɛ teŋe nyosone anomanta, mɛɛ kpɔ baa do Babelɔn Kooro Nebukadnesa nɔn ta, ásɛ o kpoo ba he siwi ta.

Jeremia 29:25

waa chwerɛ tɔn o sɔn ta ka tɛ nɛra baa lɔ Jerusalam bwa, ne sɔfo Maaseya bibaa Sefania dɛ sɔfore baa kaa bwa be. Tɔn la bini la, o bol Sefania be ŋɔ,

Wiile 5:11

Ba ɡuɡri haahna dɛ laɡ ba chɔ Saayɔn Bwejen ta, ɡɛɛ ba ɛ toli baa wola baala jemɛ ɡe Juda harɛ bwɛɛ bɛlbwa ɡe ta.

Ɛsekeɛl 4:13

Korowii ŋɔ, “Gɛɛ Israel tena ɡe ɛɛ ba kondikwaa aa ɛ kii kwaa dii, awola maa ba lɔ ba peɡre bá ka so harɛfala ta la.”

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Emɔs 6:7

Anomanta, hɛɛ ja nɛra baa tɔ sie dɛ́ laɡ ba laa ta kaa bojaŋ harɛre ta la nɛɛ, ásɛ kwaa haa dia dɛɛ lɛ sie, ne he waa bwa ba a jaɡa.

Emɔs 7:11

Waa Emɔs aa dɛ bol laanee kɛŋɔ, ‘Baa kpo Kooro Jɛroboam laa taa, ásɛ ba lawɛ Israel tena laa ta kaa, ba le ba ɡbaɡba harɛ ta kaa bojaŋ harɛfale ta.’ ”

Emɔs 8:1

Nemenɛ Korowii berɔ ɡel men Emɔs na waane wepila ta ja. N na wɛɡrɛ bɛl daa nɔna aa bea do o bini.

Emɔs 9:1

N na Korowii kɛŋɔ waa cheɡɛ kon baa dɛ ɛ saraha o ta la jwɛh, dɛ ŋɔ, “Kpɔ kon lɔ pilare la doa ásɛ Dea la doonyoa danjwɛɛre yiiɡi. Ásɛ a peri kuuɡi le nyundua ba le nɛra la nɛɛ ba serewe. Ba bini banɔ la baa ka la, mɛɛ kpoo ba laa taa. Ba bɛlbwa aa won le, beŋkpoŋ ɡba aa bɔree dɔ chwa.

Emɔs 9:8

Men Nemenɛ Korowii, n dɛ nyiŋi Israel harɛ wechɔɡa aa suu nɔ. Mɛɛ chɔɡoo le harɛ nɔ ta, kɛ maa Jekɔb naanaree chɔɡ kwaraa.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.