Emɔs 7:1 - mzwDBL

¹ Nemenɛ Korowii ɡelɔ men Emɔs na waane wepila ta. N nao kɛŋɔ waa dɛ boa tontombɛ nyoa, ɡɛ saŋ dɛ ba teŋe kpɔɡa ba kpɔa dɛɛ tɛ kooro jaɡre tonɛ, kpɔɡa pa mun dɛɛ moɡɛ, asɛ nɛra pa mun dɛɛ du konfala.

Emɔs 7:1 ပူးပေါင်းရင်းမြစ်များ

Aesaya 33:4

Gɛ tontombɛ aa dɛ di koo kwaa bwa la, ɡɛɛ baa ba ba laala pae laa ta a tonɛ.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Ɛsekeɛl 11:25

asɛ n bol wobɛlbwa Korowii aa kpɔa baɡ mɛ la chaɡle n bala la.

Joel 1:4

Dɛ tontombɛ ane balɔ, dɛ ba di kwaa kaa laa, anɔ la aa wara yon teŋɛ dɛ́ ba di. Anɔ la aa wara baa di kaa laa, anjeɡre ane ɡe ba di dɛ́ kaa, ásɛ ane kapa ɡe yon ba di a kabora.

Joel 2:25

Korowii berɔ ŋɔ, “Mɛɛ bɔ heyaa kwaa tontombɛ la aa baa chɔɡ la kemee, anɔ la aa wara ne anjeɡre la, ne ane ɡe aa bera teŋɛ dɛ ba di, asɛ ane ɡe kapa ka mun ba dɛ ba di a kabora la. Men Korowiirii kpɔ tontombɛ aa do kɛŋɔ laa tena nɔ ba ta he nɛ.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Emɔs 7:4

Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Emɔs 7:7

Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Emɔs 8:1

Nemenɛ Korowii berɔ ɡel men Emɔs na waane wepila ta ja. N na wɛɡrɛ bɛl daa nɔna aa bea do o bini.

Sekaria 1:20

Belaa Korowii baɡ mɛ loɡra banaarɛ bane ɡe.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.