Emɔs 6:6 - mzwDBL

⁶ He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Emɔs 6:6 ပူးပေါင်းရင်းမြစ်များ

Mumpar 49:22

Josef ɡe do kɛŋɔ daa waa won nɔna kohona, dɛ che nee nyoa, o kpala ɛɛ teeh danjwɛɛ.

1 Timoti 5:23

He tea la ne ɡɛ he bwara yon dɛɛ wee warawara la nomanta, bɛ nee ɡbo dɛɛ nyɔ kpa. He ɛo waa, hɛ́ɛ nyɔ sen ɡe tama.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

Amanesoma Jɔn Aa Chwera Tɔn 12:3

Anee Mɛɛre kpɔ nosɔɔhsoma loŋbir a yoɡ aa kpeɡa kohona ba fuɡe ta Yeesu napaala ta, dɛ kpɔ o nyumpona dɛɛ feera. Asɛ dea la bini bwa sɔɔh do som ken.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

Aesaya 5:12

Hé dɛ di kondikonjena dɛɛ lɛ he sie aa, he dɛ lɔ janjela dɛɛ yiiɡi kwaa dɛɛ hoh kalipere. Kɛ Korowii we-ɛɛla te, haa sie a ta do, anɔ la waa dɛ ɛ, haa on duu.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.