Emɔs 6:3 - mzwDBL

³ Haa lii kɛŋɔ tɔpechɔɡe bɛl dɛ ba, kɛ he we-ɛɛla ɡbo ɛɛ ɡeloo ó ba warane.

Emɔs 6:3 ပူးပေါင်းရင်းမြစ်များ

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Aesaya 47:7

He fa ŋɔ hɛɛ teŋɔɔ dɛ ɛ haŋkooro saŋ bɛlbwa dɛɛ la, anomanta, he ta ɡɛ we-ɛɛla nɔ kpɔe do he liire bini, a ba ɛ kɛŋɔ hɛɛ lii ɡɛ aa dɛ ba he chiɡa.

Aesaya 56:12

Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”

Wiile 4:5

Nɛra ba fa aa dɔ kondikondɛɛɡa dɛɛ di la, lɔr kpo ba ba serewe chɔ fɔɡbaahna. Banɔ la baa dɛ di yɛɛ ɡe kam kompuɡreri puldoa dɛɛ di.

Ɛsekeɛl 12:22

“Nɛwɛnyini bie, sɛɡla Israel tena aa dɛ sɛɡle ŋɔ, ‘A dɛ biɡri, yaa wepila Korowii keamere aa dɛ baɡle ŋɔ aa bao la ɡe na.’

Ɛsekeɛl 12:27

“Nɛwɛnyini bie, Israel tena ta dɛ bol kɛŋɔ wepila haa naa ne waa haa bola ŋɔ aa bao la, fini laa, kerekere waa.

Ɛsekeɛl 23:42

N dɛ no nɛra baa wara dɛ di kwaa dɛɛ lɛ ba sie ɡbɔɡa. Ba ɛ baala baa le ba ne pua hɛŋle ɡbo harɛ ta. Gɛ baala la kpɔ nɔnloɡa do haahna la, dɛ kpɔ haŋkoo-ɡbɛrɛre aa wera pi ba.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Emɔs 3:9

Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Emɔs 9:10

Wechɔɡ-ɛɛra baa lɔ n nɛra bini bwa, baa kpoo ba laa taa. Banee dɛɛ bol ŋɔ, ‘Korowii aa ɡel wechɔɡa bɛlbwa ba ya nɛ.’ ”

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Matiu 24:48

Kɛ dɛ o ɛ bonɔnchɔɡe, asɛ dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

2 Pita 3:4

Baa dɛɛ bɔɔ heyaa ŋɔ, “Korowii aa baɡɛ nyoa ŋɔ Yeesu ɛɛ berɔɔ ba ja la, lee o dɔɔ?” Dɛ ŋɔ, “Ya mɛɛnanar bwa serewɔ, dɛ o ta balɛ mɔɔ. Gɛ harɛ nɔ aa doa o mumpar la, ɡɛɛ o ta do.”

Wepila 18:17

dɛkalkɛŋɔ o kwaa waa dɔa ɡa la bwa fuoh dɔŋhwere beŋkpoŋ.” Ásɛ nɛra baa dɛ kah stiimaere, ne nɛra baa jo a bini dɛɛ la bobɛla, ne nɛra baa dɛ ɛ toma a bini, ne nɛra baa dɛ ɛ toma bwa soo siwi mpo ta che bojaŋ.