Emɔs 6:11 - mzwDBL

¹¹ Dɛ Korowii ŋɔ ba taɡɛ demjena ne demjeɡre bwa ɡooɡe aa, baa taɡɛ a bwaa ɡooɡe, á paɡre buruburu ken.

Emɔs 6:11 ပူးပေါင်းရင်းမြစ်များ

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Yela 105:16

Korowii ɡelɔ lɔr chole harɛ la ta, kondikwaa bwa chɔɡ.

Yela 105:31

Korowii bol wa, asɛ chwɛɛhne ne konjeɡre ba su harɛ la ta bwa,

Yela 105:34

O bol waa asɛ tontombɛ ba su harɛ la ta bwa, baa wola won kura.

Wejereme 10:18

Dɛ nomɛl ɛ bɔhwaah dɛ vɛh o dea kwaara aa, wɛɛ luloo, ásɛ o nyundua la ku le o bini.

Aesaya 13:3

Korowii nɛra waa lee ba cheɡ tɛ o te, dɛ yerɛ o banyoola ŋɔ bá tɛr nɛra baa dɛ ɛo bandiwaa la deŋne. Ba sie dɛ lɛ kan waa doa la ta, dɛ́ ɡel ba won pɔ nɛra la nɛ.

Aesaya 55:11

Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Emɔs 3:15

Mɛɛ paɡre ba dejena ne ba dejeɡre bwaa. Mɛɛ chɔɡ deene baa kpɔ bala nyena ɛ kwaa cheɡ a bini a do wer la bwaa. Dejena bwa ɛɛ chɔɡoo kwaraa, Men Korowiirii bola.”

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Emɔs 9:1

N na Korowii kɛŋɔ waa cheɡɛ kon baa dɛ ɛ saraha o ta la jwɛh, dɛ ŋɔ, “Kpɔ kon lɔ pilare la doa ásɛ Dea la doonyoa danjwɛɛre yiiɡi. Ásɛ a peri kuuɡi le nyundua ba le nɛra la nɛɛ ba serewe. Ba bini banɔ la baa ka la, mɛɛ kpoo ba laa taa. Ba bɛlbwa aa won le, beŋkpoŋ ɡba aa bɔree dɔ chwa.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”