Emɔs 5:3 - mzwDBL

³ Nemenɛ Korowii ŋɔ, “Bwɛjen bɛl lɔ Israel harɛ ta, dɛ́ kpɔ laa tena kaɡboŋ la laa, kɛ nɛra lafa ɡboo dɛ́ berɛ ba. Bwɛɛ bɛl ɡe kpɔ laa tena lafa la, kɛ ba nɛra fi ɡboo dɛ́ berɛ ba.”

Emɔs 5:3 ပူးပေါင်းရင်းမြစ်များ

Yela 144:14

Gel ya nae loɡle, dɛ́ ya kohona dɛ bɛ a bii har dɛɛ ta. Bɛ ɡel wii ne suna dii do ya fɔɡbaahna.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Emɔs 6:9

Baala fi ka dembeŋkpoŋ ta kwaraa naa, ba ɡe ɛɛ serewoo.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Mmarare 28:62

Hɛɛ warɔɔ kɛŋɔ weweela, kɛ dɛ he ta Korowii haa dɛ tomɔ nɔ waa ta teŋɛ aa, he bini tamaa kenii dɛ́ ba ka.

Mmarare 28:63

Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.