Emɔs 4:7 - mzwDBL

⁷ Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Emɔs 4:7 ပူးပေါင်းရင်းမြစ်များ

Kaala 10:22

Asɛ o tɛr o nɔn pa nyundua, asɛ biro kpirkpirkpir la ba tɔ Ijipt harɛ ta tɔpera atoro.

Kaala 10:23

Nomɛlbwa aa won o dɔŋ na á ba ɛ kɛŋɔ wɛɛ iruu le bela waa soɡa tɔpedɛɛɡa atoro. Kɛ dɛ bɔr chaah Israel tena la te be.

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 9:26

Gosen harɛ, bela Israel tena aa soɡa la ɡboo a ta leere.

Kaala 9:4

Kɛ Korowii ɛɛ kpɔ nɔnee tɔ Israel tena kondɛɛra nɛɛ ásɛ a te bɛ serewe á baɡle kɛ o nɛra korɔ.”

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 14:3

Nomonjena tomɛ ba bonɔɔna ŋɔ bá ka nyin ne. Ba la kwaa aa won nee lɛɛ ta ba ta nee nae. Ba kpɔ ba polviine berɛ ba pɛɛ, ba bambile chɔɡɔ ba hwɛɡa ta pɛɛ, dɛ kpɔ kwaa bɔle nyuune, a baɡle kɛŋɔ ba loo kuu.

Jeremia 14:4

Harɛ la holɔ dɛɛ peɡri dɛkalkɛ bwaala aa nɛ, asɛ paara bambile chɔɡ, dɛ kpɔ kwaa bɔle nyuune, a baɡle kɛŋɔ ba loo kuu.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Sekaria 14:17

Dɛ harɛ la bɛlbwa nɛra ta Jerusalam laŋɛ ka tomɛ Kooro Waa Ɛ Koranar Bwa Kooro la aa, bwaala aa ban nɛ.

Amanesoma Jɔn Aa Chwera Tɔn 4:35

He laa yon ŋɔ ba du kwa aa, korobie anaarɛɛ aa di mɔɔ baa koma la aa? Kasinteŋ, he bɛ chɔ. Hé ta sie na koo kwaa bwa aa bea ne koma ɡɛ!

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Mmarare 11:17

Ásɛ Korowii baah bɛ he nɛɛ di, dɛ́ ɡel bwaala ɡel nɛɛ hwel che he kooni kondikwaa chɔɡ, ásɛ he serewe le harɛdɛɛɡe waa kpɔa dɛɛ tɛ heyaa la ta.

Jems 5:17

Korowii keame Elaeja fa ɛ nɛn kɛŋɔ yan. O soŋe Korowii taeh dɛ ŋɔ ó ɡel bwaala nɛɛ, asɛ bwaala ta nɛɛ, hwel che bene atoro korobie anumɛl.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.