Emɔs 4:6 - mzwDBL

⁶ Menee ɡela lɔr chole he bwɛjena bwa ta, asɛ he paŋɛ kondikwa bwɛɛ bɛlbwa ta, kɛ he ta berɛ ba n be.

Emɔs 4:6 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:2

Anomanta, Elaeja kpɔ o te ka baɡle Kooro Ahab. Dɛ lɔr waa chole bwɛjen Samaria kan taeh.

2 Koranar 4:38

Lɔr baa chole Gelɡal harɛ la bwa ta, asɛ Elaesa berɛ kaa bela. O ne Korowii keamere bane baa pɛa dɛɛ valɛ cheme, asɛ o ŋɔ o bonɔɔ be ŋɔ, “Kpɔ vijen chɔŋɛ nii ta dɛ́ pile dɔr tɛ nɛra nɔ.”

2 Koranar 8:1

Dɛ Korowii keame Elaesa fa ŋɔ haah bɛl waa le Sunem o chum o bie seo ta la be ŋɔ, “Kpɔ he dem tena ka so bobɛlbwa haa dɛ nyin tama. Korowii ŋɔ lɔr ɛɛ chiɡ harɛ nɔ ta bonɔɔ bene anuanɛ.”

2 Webena 28:22

Kooro Ahas wenaale aa baa ɡwaa o nɛɛ bwa habɔɔ la, dɛ o ta teŋɔ ɛ wechɔɡa dɛɛ jo Korowii nɛɛ kohona.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 3:1

Hé no, Koranar Bwa Kooro dɛ ba nɛra ne kwaa Jerusalam ne Juda tena aa kpɔ ba te dawɛ a nɛɛ la laa dɛ kpɔ. Wɛɛ tɔ ba kondikwaa ne nee ŋwɛnɛɛ,

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 16:27

Anomanta, n nɔn dawɛ he nɛ, n lɛ he harɛ maa sweera dɛ kpɔ tɛɛ la pera, asɛ dɛ kpɔe do he dɔma Filisti tena baa hah waa haa dɛ ɛ nɔ nɔn ta.

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Joel 1:16

Ya kondikwaare dɛ chɔɡ yaa wola won ɛ wobɛlbwa, silɛɛ bɛlbwa toole Korowii Dea kpa.

Lewi Dea Tena 26:23

Dɛ deŋnetɛra nɔ habɔɔ, haa n waa ta teŋɛ, dɛ taŋ deŋne haa men bu aa,

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Haɡae 2:17

N ɡelɔ peuwɔb ne dombwea ba chɔɡ he kwaa haa dua bwa, kɛ he ta he liire charɛ dɛ ba n be. Men Korowiirii bola.

Mmarare 28:38

Hɛɛ parɔɔ taeh kɛ kondikwaa tamaa kenii hɛɛ ba dɔe, dɛkalkɛŋɔ tontombɛɛ dɛɛ ba a dii.

Wepila 2:21

N tɛo tɔpere ŋɔ ó ɡel ɡɛ, ásɛ dɛ charɛ o liire le o wechɔɡa ta, kɛ waa no.

Rut Tɔn 1:1

Saŋ la Israel tena aa wola kooro dɔe mɔɔ, asɛ sitɔɔla yon dɛɛ nyiŋi bela harɛ ta la, dɛ lɔr lɔ harɛ la ta. Belaa baa bɛl waa le Bɛtlɛham o do Juda harɛ ta, ne o haah ne bibaala banɛ ir dɛ ba so Moab harɛ ta.