Emɔs 4:4 - mzwDBL

⁴ Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Emɔs 4:4 ပူးပေါင်းရင်းမြစ်များ

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 9:15

Korowii ŋɔ, “Ba nyubinikpeɡ la pa mun Gelɡal, belaa n le hah ba. Ba wechɔɡa nomanta, mɛɛ doŋ baa le n Dem. Maa ba waa nyin kpa, ba nomonome bwa ɛ deŋnekpeɡ tena.

Emɔs 3:14

“Awola maa ba tɛr Israel tena deŋne ba wechɔɡa waa la, mɛɛ paɡre kwaa baa dɛ ɛ saraha a ta Bɛtel bwaa, dɛ́ kuuɡi kwaa aa do kɛŋɔ nyeɡlare dɛ paaɡe a ta bwaa bil harɛ.

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Matiu 23:32

Hé takapɔ dɛ ɛ wechɔɡa la he naawa aa pa mun ɛa la ka tonɛ.

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Amanesoma Mak Aa Chwera Tɔn 14:41

Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo.

Amanesoma Mak Aa Chwera Tɔn 5:5

Asɛ o chwa ka do lala huɡribɔr ne bela bwea ane aa lole. Belaa o do chɔɔ ne jwaana bɛlbwa dɛɛ valɛ bwea la dor dɛɛ dooɡe lɔŋɔre, dɛ kpɔ bwea dɛɛ mɔne o bwara.

Mmarare 26:12

Bene atoro bɛlbwa he bɔne he koo kwaa bini bɔre fi, ásɛ dɛ kpɔ bɔrbeŋkpoŋ tɛ Lewi dea tena ne hɔɔhra ne bilalbii dɛ luhaahna baa soɡe he baah la, ásɛ ba bwa dɔ di dɛ vaɡre. He ɛ ɡɛ tonaa,