Emɔs 4:11 - mzwDBL

¹¹ N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Emɔs 4:11 ပူးပေါင်းရင်းမြစ်များ

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 7:4

Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 50:40

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Babelɔn harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Emɔs 4:6

Menee ɡela lɔr chole he bwɛjena bwa ta, asɛ he paŋɛ kondikwa bwɛɛ bɛlbwa ta, kɛ he ta berɛ ba n be.

Haɡae 2:17

N ɡelɔ peuwɔb ne dombwea ba chɔɡ he kwaa haa dua bwa, kɛ he ta he liire charɛ dɛ ba n be. Men Korowiirii bola.

Sekaria 3:2

Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

Tɔn Pɔɔl Aa Chwerɛ Rom Tena 9:29

Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

1 Kɔrent 3:15

Kɛ dɛ nomɛl toma fuoh waa, Korowii ɛɛ lɛ naatee, kɛ wɛɛ paŋɛ komɛlbwaa. Wɛɛ ɛo kɛŋɔ kon baa keeru le nii ta ken.

Mmarare 28:24

Korowii ne bwaala nɛɛ dɛ tɛ heyaa la, tutuɡ ne tɔɔ wɛɛ ba ɡela a le nyundua ba he nɛɛ kɛŋɔ bwaala aa dɛ nɛ la, ka tel kɛŋɔ he bwa aa serewa.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Tɔn Jud Aa Chwera 1:23

Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.