Emɔs 4:10 - mzwDBL

¹⁰ N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Emɔs 4:10 ပူးပေါင်းရင်းမြစ်များ

2 Koranar 10:32

A ɡɛ saŋ Korowii pa mun dɛ ɡel Israel harɛ mule, Siiria Kooro Hasael yoo ba, dɛ lɛ ba harɛ la bobɛla,

2 Koranar 13:3

Anomanta, Korowii baah di Israel tena nɛɛ taeh, asɛ o kpɔ ba do Siiria Kooro Hasael, ne o bibaa Bɛn Hadad lɔɡa biɡri.

2 Koranar 13:7

Siiria Kooro Hasael ne o laa tena pɔ Israel tena nɛ, dɛ ɡel Kooro Jehoahas laa tena mule. O laa tena baa kaa laanee, nɛra baa jemɛ jaɡre ta soɡa fifraanue, ne torɔɡore fi, dɛ laa tena baa dɛ valɛ harɛ nɛra kaɡboŋa fi. Siiria laa tena kpoo ba kabora, dɛ tiɡri ba do harɛ kɛŋɔ pɛla ta teera ken.

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

Kaala 10:27

Korowii ɡelɔ Ijipt kooro deŋne ta do kpeɡri, o ta ɡelɛ ba kaa.

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 8:19

Anee dobodobo tena la ŋɔ kooro la be ŋɔ, “Korowii we-ɛɛlaa nɔ noo!” Kɛ ane a bwa, dɛ Ijipt kooro deŋne ta kpeɡri o vɛh waa la noe, ɡɛ Korowii aa bola la.

Kaala 9:12

Kɛ Korowii ɡelɔ Ijipt kooro deŋne do kpeɡri o ta Mosis ne Arɔn be noɛ ɡɛ waa bola la.

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

Aesaya 34:3

Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Aesaya 50:11

He banɔ la ɡe haa dɛ nyin hé chɔɡ he bala la, aa di he ɡbaɡbaa. Korowii ɡbabirii dɛɛ ba ɡela á chiɡ ɡɛ. Hɛɛ na waa kohonaa taeh.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 11:22

Anomanta, Koranar Bwa Kooro ŋɔ, “Mɛɛ tɛr ba deŋnee. Baa kpoo ba bonɔɔna laa taa, lɔr kpo ba bibaala ne bihaahna ɡe ba serewe.

Jeremia 15:3

Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 48:15

Moab harɛ dɛ ba chɔɡa, ásɛ o dɔma lɔ ba tɔ o bwɛɛre ta. Baa kpoo o bonɔndɛɛɡa bwaa, men Koranar Bwa Kooro maa ɛ kooro laanee bola.

Jeremia 49:26

Awola tɔpere la, Damaskɔs bonɔɔna ɛɛ serewoo chɔ fɔɡbaahna, ásɛ ba kpoo o laa tena bwa. Men Koranar Bwa Kooroo bola.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Jeremia 9:22

Waa Korowii aa ŋɔa n bol laanee nɔ. ‘Nɛra serewɔ chɔ bobɛlbwa kɛŋɔ haahra aa chɔ kpɔɡ bini ken. A do kɛ nɛra aa kuuɡi boyu a daŋɛ chɔ ba habɔɔ nomɛlbwa aa wola toole dɛ́ boa a nyoa.’ ”

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Joel 2:20

Mɛɛ doŋi tontombɛ aa do kɛŋɔ laa tena, dɛ le weekaŋle nyunduabɔr laanee le he be, dɛ́ taɡɛ ane ka ta pua hɛŋle ɡbo harɛ ta, ásɛ dɛ taɡɛ anla aa tɔ sie la ka ta Yar Mpo ta. Anɔ la aa lɔ habɔɔ ɡe, n taɡa ka ta Mɛdetereenea Mpo ta. Aa serewoo dɛ́ pɔh, ásɛ a sɔɔh kaa nyundua.” Kasinteŋ, Korowii ɛ wejena.

Lewi Dea Tena 26:16

mɛɛ kpɔ ɔmee tenten ne bambiteŋa ne weela aa ba he nɛɛ he chah kahonɛ, ne bɔwɔrɔba aa kpɔ nyoŋa ba ta he nɛ, dɛ́ chɔɡ heya. Hɛɛ du kondikwa he kooni ta pɛɛpɛɛ, he dɔmaa dɛ́ ba dia.

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.

Emɔs 4:6

Menee ɡela lɔr chole he bwɛjena bwa ta, asɛ he paŋɛ kondikwa bwɛɛ bɛlbwa ta, kɛ he ta berɛ ba n be.

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Haɡae 2:17

N ɡelɔ peuwɔb ne dombwea ba chɔɡ he kwaa haa dua bwa, kɛ he ta he liire charɛ dɛ ba n be. Men Korowiirii bola.

Mmarare 28:21

Wɛɛ ba weela nee ba ta he nɛɛ harɛ haa dɛ la ka kpɔ so la ta ka tel kɛŋɔ he bwa aa hea le o ta.

Mmarare 28:22

Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Mmarare 28:60

Wɛɛ berɔɔ kpɔ serewe weela haa naa Ijipt harɛ ta ka laanee ba ta he nɛɛ he chah kahonɛ.

Mmarare 7:15

Korowii ɛɛ kpɔ nɔnee tɔ he nɛɛ dɛ́ le weela bɛlbwa ta. Waa ɡel weechɔɡa haa naa Ijipt harɛ ta la ba he nɛ. Nɛra baa hah heyaa la nɛɛ wɛɛ ba kpɔe ta.