Emɔs 4:1 - mzwDBL

¹ Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 4:1 ပူးပေါင်းရင်းမြစ်များ

1 Koranar 16:24

Kooro Omri yawɛ deŋɡare bɛl, taraken baa dɛ yerɔ Samaria, dɛ le Sɛma be. O yawɔ suuɡapoŋa a tɔɡre aa ɛ kilore fifraanumɛl dɛ anuatoro, asɛ dɛ vɔrɔwe bwɛɛ bela dɛ ma danjwɛɛ baro, dɛ kpɔ Sɛma sɔn pao dɛɛ yerɔ Samaria.

Job Tɔn 20:19

dɛkalkɛ ba fiiɡi nyaara dɛ vɛɛh ba, dɛ lɛ deene ba laa maa.

Job Tɔn 24:4

Ba dɛ tɔ nyaara ŋwɛnɛ ba wenyina ta, dɛ́ doŋ ba bwa bá chwa ka sɔh.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 140:12

N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Yela 22:12

Dɔma warɔ dɛ bar mɛ cheme, kɛŋɔ Basan harɛ nabala a bwara aa kpeɡa ken.

Sɛɡla 22:7

Gɛ suuɡate aa dɛ di kpeɡri nyaa nɛɛ la, ɡɛɛ nɛn waa di kem la ɛ nɛn waa kemɔ suuɡa la bonɔɔ.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Aesaya 56:12

Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 51:34

Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:29

Harɛ la ta, nɛra ɛɡre nɛra dɛɛ lɛ ba kwa, dɛɛ faah nɛŋhɔɔhra ne nyaara, baa waa bolɛ dɛɛ tɛɛ ba aŋwɛnɛ ta.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Ɛsekeɛl 39:18

Hɛɛ di laa tena olaa, dɛ́ nyɔ koranar baa lɔ harɛ nɔ ta chale kɛŋɔ pebala ne pebiiri, kɛɛ boohna ne nabala a bwa aa dɔ bo-ola kɛrɛdɛ dɛ le Basan harɛ ken.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Emɔs 3:3

Nɛra banɛ nyoa ta pɛɛ yaa baa wono pɛ dɛ́ valaa?

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Emɔs 6:6

He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Nɛra Kura 21:33

Ba berɛ kpɔ sie chaɡɛ ŋwɛnɛ waa kaa Basan harɛ ta, asɛ Basan Kooro Ɔɡ kpɔ o laa tena bwa, dɛ ka cheme Israel tena Edrei dɛ yoo ba.

Mmarare 24:14

He bɛ nyaa kɛɛ nomɛl aa hiaoh o ɛ he toma tɛɛ la faah, hale dɛ he bini Israel tee yoo dɛ hɔɔhre o so he bwɛɛ yoo.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.