Emɔs 3:9 - mzwDBL

⁹ Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

Emɔs 3:9 ပူးပေါင်းရင်းမြစ်များ

2 Samoɛl 1:20

He bɛ an bol bwɛjena Gat tena be, kɛɛ Askɛlɔn fɔɡbaahna. He bɛ ɡel Filisti haahna no ba sie lɛ, á ba ɛ kɛŋɔ nɛra baa wola Korowii tomɛ bihaahna sie ɛɛ lɛo.

Sɛɡla 1:13

Yaa dɔ kondɔɔh bwa soo siwii, ba su ya deremi kɛŋɔ laa ta kwa.

Sɛɡla 11:16

Haah waa dɔ dadɛɛɡe la dɛ dɔ nyanyini, kɛ nɛn waa dɛ lɛ ɡaeh dɛ́ dɔ kondɔɔh ɡbo.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Jeremia 31:5

Hɛɛ berɔɔ kwaa du daa kooni Samaria deŋɡarere ta. Paa bɛlbwa waa dua la, wɛɛ di a nɔnaa ó sie lɛ.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Ɛsekeɛl 36:8

Kɛ daa aa lɔ Israel bwejena dor ɛɛ berɔ moɡɛ, dɛ́ nɔnɛ kohona á ɛ kondikwaa tɛ n nɛra Israel tena, dɛkalkɛ aa biɡri n berɛ ba ba ne dem.

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Emɔs 6:3

Haa lii kɛŋɔ tɔpechɔɡe bɛl dɛ ba, kɛ he we-ɛɛla ɡbo ɛɛ ɡeloo ó ba warane.

Emɔs 8:6

dɛ́ kpɔ suuɡapoŋa aa wola naŋɡawa ɡba yoɡ tele yawɛ nyaara yoma, dɛ́ kpɔ yoɡ dawɛ mea ta.”

Maeka 6:10

Mɛɛ won soh he nyubinikpeɡ tena kondɔɔh haa cheɡa ka su deene, ne kwaa haa kpɔa maɡɛ kwaa dɛɛ faah nɛra n haah la wa aa?

1 Samoɛl 5:1

Filisti tena la aa kpɔ Korowii Ne Nɛwɛnyina Fɔo Daka la, ba le o ne bwɛɛ Ɛbɛneesa, dɛ kaa ba bwɛjen Asdɔd ta.