Emɔs 3:2 - mzwDBL

² He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Emɔs 3:2 ပူးပေါင်းရင်းမြစ်များ

Mumpar 10:32

Banɔɔ Nowa naanar, harɛre baa soɡe a ta ne ɡɛ ba deene waa aa doa, ne ɡɛ baa soɡa teŋɛ dɔŋa nɛ. Nee la aa sua bɔle harɛ bwa habɔɔ la, a ɡɛ Nowa bibaala batoro nɔɔ loɡle bii asɛ ba mun ya, nɛwɛnyina warɛ harɛ nɔ ta la.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.

Kaala 32:34

He te tɔ nɛra la sie kaa bela maa chaɡle la. Mɛɛ ɡeloo n torome tɔ he sie. Kɛ dɛ tɔpere maa tɛr ba deŋne ba wechɔɡa baa ɛa la telaa, mɛɛ tɛr ba deŋnee.”

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.

Jeremia 1:15

N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Jeremia 11:22

Anomanta, Koranar Bwa Kooro ŋɔ, “Mɛɛ tɛr ba deŋnee. Baa kpoo ba bonɔɔna laa taa, lɔr kpo ba bibaala ne bihaahna ɡe ba serewe.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Jeremia 9:25

Saŋ bɛl dɛ ba ń tɛr nɛra baa teŋe ba pena ɡbo, men Korowii wa aa wola toole ba bambile bini la deŋne.

Ɛsekeɛl 5:9

Voɡa maa kia hɛɛ toma nomanta, mɛɛ tɛr he Jerusalam tena deŋnee taeh. N ta ane ɛɛ bwa, maa a dɔŋa ɡee ɛ kpa bwa.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Hosia 5:3

Israel, n jemɛ he waa bwa a chɔ n sie. He nɛra waa ta kasinteŋ dɔe, baa men Korowii tomɛ kpa.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Emɔs 3:3

Nɛra banɛ nyoa ta pɛɛ yaa baa wono pɛ dɛ́ valaa?

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Tɔn Pɔɔl Aa Chwerɛ Rom Tena 2:9

Nɛra baa dɛ ɛ wechɔɡa la, ba bwara ɛɛ nyɛɡoo taeh, aa noo baa taeh. Juu tenaa dɛ tɔ sie na bonyɛɡa a noo ba, nɛra baa wola Juu tena ɛɛ la ɡe jao.

1 Kɔrent 8:3

Naate waa dɛ nyin Korowii la te, Korowii ɡba jemɔ.

Mmarare 10:15

Kɛ he naawa ɡbosoo nɛɛ Korowii kpɔ sie dawɛ kɛ wɛɛ nyin baa, dɛ berɛ le he nɛra haa ɛ ba naanar nɔ harɛre nɛra bwa bini, dɛ kpɔ heyaa ɛ o nɛra ɡɛ aa doa fini nɔ.

Mmarare 26:18

Fini Korowii sɛoh kɛŋɔ o ɡbaɡba nɛraa heya he waa ɛɛ su o siwi, ɡɛ waa baɡɛ heyaa nyoa wubwa la, dɛ ŋɔ hé teŋɛ o waa waa do heyaa a ta,

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

Mmarare 4:32

Hé ta sie nyiŋi waa aa bala mɔɔ ba lolɛ heyaa la. Dɛ́ berɛ le ɡɛ saŋ Korowii aa ta nɛn ba harɛ nɔ ta la na. Hé ta sie nyiŋi harɛ nɔ bwa ta, waane aa do kan ɡwaa anɔ dɔŋ chiɡo kɛɛ he no a dɔŋa kaa?

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?