Emɔs 3:15 - mzwDBL

¹⁵ Mɛɛ paɡre ba dejena ne ba dejeɡre bwaa. Mɛɛ chɔɡ deene baa kpɔ bala nyena ɛ kwaa cheɡ a bini a do wer la bwaa. Dejena bwa ɛɛ chɔɡoo kwaraa, Men Korowiirii bola.”

Emɔs 3:15 ပူးပေါင်းရင်းမြစ်များ

1 Koranar 22:39

Kooro Ahab bwara waa ne o kora ne koodem waa doa dɛ kpɔ bala nyen kwaa o bini ne bwɛjena waa ma danjwɛɛ bara bwa, ba chwera do Israel Koranar Waa Tɔne bini.

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Jeremia 36:22

Dɛ waa saŋee, asɛ kooro so o koodem baŋ bɛl, dɛɛ ŋwee nii koropɔɔto ta.

Emɔs 2:5

Anomanta, mɛɛ ɡeloo nii ba fuh Juda harɛ, dɛ́ fuh Jerusalam dekpeɡa, dɛ́ chɔɡa.”

Emɔs 3:11

Anomanta, Nemenɛ Korowii ŋɔ, “Dɔma ɛɛ ba bar ba harɛɛ cheme, dɛ́ kuuɡi dekpeɡa, dɛ́ pa ba dejena bini laala kaa kɛŋɔ laa ta kwa.”

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Emɔs 6:11

Dɛ Korowii ŋɔ ba taɡɛ demjena ne demjeɡre bwa ɡooɡe aa, baa taɡɛ a bwaa ɡooɡe, á paɡre buruburu ken.

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Sitɔɔla 3:20

Ate, Ehud suuh bɛno, dɛ o ɡbo soɡe saldoa bela waa dɛ lɛ peu la dɛ ŋɔ, “N dɔ waane le Korowii be dɛɛ ba he tɛɛ.” Kooro aa ira le o kara ta la,