Emɔs 3:12 - mzwDBL

¹² Korowii ŋɔ, “Gɛ peteɡre yon yo lɛ pee le nyujente nyoa, dɛ o nakpale anɛ ɡbo kɛɛ o deŋnekera ɡboo kaa la, ɡɛ tentenee mɛɛ ba Israel tena lɛɛ, banɔ la baa lɔ Samaria ne Damaskɔs dɛ yale ba kanedɛɛɡa ta bwa.

Emɔs 3:12 ပူးပေါင်းရင်းမြစ်များ

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

1 Koranar 22:25

Korowii keame Mikaya chaŋe ŋɔ, “Hɛɛ naa, awola haa ŋɔ he ka jo dea bini ka sɔh la.”

1 Koranar 20:34

Kooro Bɛn Hadad ŋɔ Kooro Ahab be ŋɔ, “Mɛɛ berɛ bwɛjena n mɛɛ aa lɛa le he mɛɛ be laanee tɛɛ, ásɛ he ɛ he ɡbaɡba bonadibɔra Damaskɔs, ɡɛ n mɛɛ aa ɛa Samaria la.” Asɛ Kooro Ahab ŋɔ, “Dɛ he ɡelɔ ya fɔwɛ ɡɛ fɔo aa, mɛɛ kpɔe ta he kaa.” Anomanta, o ne o fɔwɛ fɔo asɛ o tao ŋwɛnɛ o kaa.

1 Koranar 20:30

Siiria tena baa kaa la chwao kaa bwɛjen Afɛk ta, asɛ danjwɛɛ baa maa bar bwɛɛ la chole, nɛra kaɡboŋa fifraanɛ dɛ banuanɛ nɛɛ dɛ kpoo ba. Kooro Bɛn Hadad chwao jo bwɛjen la bini dɛ ka sɔh dejeɡa bɛl bini dem bela.

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Ɛsta 1:6

Bela baa di kwaa la, ba paaɡe pilare baa kpɔ bwedɛɛɡa ane soo siwi maa bar, asɛ dɛ kpɔ pateesanpoŋa ne pateesanburumre saɡre a ta bar. Ba berɔ pɛrɛ jisepoŋ ne jisekɔl pɛ, dɛ kpɔ do pateesanre la ta, dɛ lawɛ vɔwɛ suuɡapoŋa noniseɡa baa kpɔa paaɡe pilare la ta kaa. Ba kpɔ suuɡaswɛm ne suuɡapoŋa, dɛ ɛ bobɛl o ir nyundua. Ba kpɔ bwedɛɛɡa a yoɡ aa kpeɡa ampoŋa ne answɛɛma, ne anɔ la aa dɛ nyɛɡle, dɛ anɔ la aa ɛ burum bwa, dɛ kwaa bela harɛ o do wer.

Ɛsta 7:8

Kooro aa bera dɛɛ jo koodem la, dɛ Heeman marɛ o haah karajaŋ waa yale o ta la ta, dɛɛ soŋo sibeɡra ne, anee kooro nyɛɡ ŋɔ, “Ei! Baa nɔ dɛ nyin kɛ ó paɡɛ n haah n siwi ta koodem bonɔ kwara!” Kooro nyoa ne chiɡa dɛ o bonɔɔna baa fɔɡɛ ba lure la kpɔ yal bɔle Heeman sie.

Yela 132:3

“Maa n demii la, á ba ɛ kɛŋɔ mɛɛ chɔ n kalaŋ taa.

Emɔs 9:8

Men Nemenɛ Korowii, n dɛ nyiŋi Israel harɛ wechɔɡa aa suu nɔ. Mɛɛ chɔɡoo le harɛ nɔ ta, kɛ maa Jekɔb naanaree chɔɡ kwaraa.

Aesaya 17:7

Awola tɔpere la, nɛwɛnyina bwa ɛɛ kpɔ sie dawɛ Korowii nɛ. Onee Israel Nɛŋɡoroŋ waa ta ba baa tomɔ.