Emɔs 3:1 - mzwDBL

¹ Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Emɔs 3:1 ပူးပေါင်းရင်းမြစ်များ

1 Webena 16:13

O bonɔɔ Jekɔb naanar, Jekɔb bibaala waa lee ba cheɡ tɛ o te.

2 Webena 20:15

Anee Jahaseɛl ŋɔ, “N naa kooro, ne nɛra haa lɔ Juda ne Jerusalam bwa, hé no. Waa Korowii aa dɛ bol he be laanee nɔ, ‘He bɛ ɔmɛ, he bɛ ɡel he bwara yɔr laa tena baa wara nɔ wa. Korowiirii dɛ́ yo tɛ heya.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 48:12

Korowii berɔ ŋɔ, “Hé no n be, Israel tena maa yerɛ heya. Menee Korowii, menee komɛlbwa sitɔɔ, ne muŋkaa.

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Jeremia 8:3

Ásɛ nyubinikpeɡ tena baa ka dɛ́ so harɛ la ta la, banɔ la men Korowii aa lɔ ba peɡre ba so bobɛla ɛɛ dɛɛ nyinu kɛŋɔ, ba fe serewe ɡwaa kɛ ba taa soɡe le. Men Nemenɛ Korowiirii bola.”

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Sefania 2:5

Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Wepila 2:29

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la.”