Emɔs 2:4 - mzwDBL

⁴ Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Emɔs 2:4 ပူးပေါင်းရင်းမြစ်များ

2 Koranar 17:19

Juda dea tena la ɡe ta wone teŋɛ Korowii baa dɛ tomɔ la mmarare ta. Ba ɡe hweli we-ɛɛla aa wola were Israel tena aa ɛa la.

2 Webena 25:14

Kooro Amasea aa kaa kpoo Edom tena dɛ ba la, o pa bela voɡa dɛ ba cheɡa, dɛ toma dɛ kpoo kwaa dɛɛ ɛ sarahare a ta.

2 Webena 30:7

He bɛ do kɛ he naawa ne he bala Israel tena ba waa fa aa wola kasinteŋ dɔe tɛ Korowii baa dɛ tomɔ la, asɛ o tɛr ba deŋne kohona ɡa he siwi ta la.

Nehemia 1:7

Ya ɛ nyubinikpeɡ, dɛ jo he nɛɛ kɛrɛdɛ. Ya ta waa he fa aa kpɔa tɛ he bonɔɔ Mosis dɛɛ do yaa a ta, ne mmarare la ta teŋɛ.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Jeremia 9:14

Kɛ ba ɡarɔ teŋɛ ba bambikpeɡ we-ɛɛla ta. Voɡa Baalre nɛɛ ba teŋɛ dɛɛ toma, ɡɛ ba naawa aa baɡ ba la.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:16

dɛkalkɛŋɔ, ba vɛh me Mmarare, ba ta n waa ta teŋɛ, dɛ chɔɡ Ona Tɔpera la. Ba liire bwa lɔ ba voɡare ta.

Ɛsekeɛl 20:18

N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Ɛsekeɛl 20:24

dɛkalkɛ ba vɛh n wa, ne me Mmarare maa kpɔa tɛɛ ba la ta teŋa, dɛ chɔɡ n Ona Tɔpera la, dɛ tomɛ voɡa la tenten ba naawa aa toma la.

Ɛsekeɛl 20:30

Nɛwɛnyini bie, bol Israel tena la be ŋɔ Men Nemenɛ Korowii ŋɔ, ‘He ɡee ɛ wechɔɡa he naawa aa ɛa, dɛ tomɛ voɡa maa kia, dɛ kpɔ doŋa kah ba te la anee kɛɛ?

Ɛsekeɛl 22:28

Ba keamechɔɡa laa sie kpɔ ɡɛ wechɔɡa nɔ ta, kɛŋɔ baa kpɔ fula lɔ dekɔɔh danjwɛ ta, dɛ tɔ o peɡra ta ken. Ba won nyosone teŋa ŋɔ ba na waane wepila ta, dɛɛ baɡle ŋɔ waane ɛɛ bao, dɛɛ neɡre nɛra ŋɔ men Nemenɛ Korowii bee a le, dɛ n laa bol wobɛlbwa.

Ɛsekeɛl 22:8

Ba siwii aa n kwaa aa do ɡoroŋ la su, dɛɛ chɔɡ n Ona Tɔpera.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.

Hosia 6:11

He Juda tena ɡe, n do tɔpere dɛ́ tɛr he deŋne waa haa dɛ ɛ la wa.”

Emɔs 1:3

Korowii ŋɔ, “Damaskɔs tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lɔɔ Gelead tena nyubinikpeɡ ne, kɛŋɔ baa lɔ mea pɛla ta ken.

Emɔs 3:2

He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Habakuk 2:18

Bɔkwa tɔnɔɔ voɡ nɛwɛnyini aa kpɔ nɔn sɛoh la dɔɔ? O waa bwa ɛ nyosone. Nɛn waa kwaaro la dɔ yarada o ta. O dɛ kwaa voɡa aa wola won waa bol.

Tɔn Pɔɔl Aa Chwerɛ Rom Tena 1:25

Ba ɡel Korowii kasinteŋ la toma, dɛɛ tomɛ kwaa aa wola kasinteŋ dɔe. Kwaa Korowii aa taa la, anee baa tomɛ, dɛ ɡel Korowii ɡbaɡba. On chɛ kɛ yaa kpɛɛro saŋ bɛlbwa. Aamen.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,