Emɔs 2:11 - mzwDBL

¹¹ N berɔ le he bibaala la bini bane ba ɛ n keamere, ba bini bonɔɔna la bini bane ɡe ɛ Nasiri tena. Israel tena, n teŋe nyosone naa? Men Korowiirii bola.

Emɔs 2:11 ပူးပေါင်းရင်းမြစ်များ

Jeremia 7:25

Le awola he naawa aa le Ijipt harɛ ta ba le fini, keraŋwɛnɛ bwaa n teŋɛ dɛɛ tomɛ toroma baa ɛ n keamere la he be.

Maeka 2:6

Ba keamere ŋɔ, “He bɛ Korowii waa aa dɛ ba bala kerekere la bol. Hɛ́ɛ berɛ a ɡɛ waa nɔ bola, sihiih bɛlbwa aa won di yaa.”

Wiile 4:7

Jerusalam sitɔɔla waa fa do chasee kɛŋɔ yabi aa toa ken. Ba fa dɔ bwadabii dɛ dɔ bokpeɡa, dɛ je ɡe kohona.

Jeremia 26:11

Belaa sɔfore, ne Korowii keamere la ŋɔ nomonome la ne nɛra la bwa be ŋɔ, “Baa nɔ chɛ kɛ ba kpoo, dɛkalkɛ o bol Korowii waa yaɡɛ bwɛjen nɔ nɛra. He ɡbabir noɔ!”

Jeremia 11:21

Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

2 Koranar 17:13

Dɛ Korowii cheɡɛ o keamere ne nɛra baa dɛ na chaahna ta, dɛ kah Israel ne Juda tena ŋɔ, “Hé le he wechɔɡa ŋwɛnɛre ta, dɛ́ɛ teŋɛ me Mmarare ne waa maa do heyaa a ta la ta. N kpɔɔ tɛ he naawa ŋɔ báa teŋɛ a ta, dɛ che n keamere ɡe nɛɛ ŋɔ bá dalwe a ta baɡle heya.”

2 Koranar 6:1

Awola bɛl, Korowii keamere bane baa pɛa dɛɛ valɛ ŋɔ Elaesa waa ɛ ba sitɔɔ be ŋɔ, “Bela ya ne haa dɛ cheme la aa kanɛ.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

1 Koranar 20:41

Korowii keame la pur yal waa kpɔa vɔwɛ o siebɔr la, buɡ la ta, Kooro na kɛŋɔ Korowii keamere la bini bɛlee.

1 Koranar 20:35

Ate, Korowii do o keamere baa pɛa dɛɛ valɛ la bɛl ŋɔ, ó ŋɔ o dɔŋ be ŋɔ, “Kpɔ he tokobii ŋwɛn mɛ.” Asɛ o vɛh.

1 Koranar 20:13

Anɔ bwa la, dɛ Korowii keame bɛl ba Israel Kooro Ahab be dɛ ba ŋɔ o be ŋɔ, “Korowii ŋɔ kɛ he na laa tena baa wara nɔ kenɛ? Mɛɛ kpɔ baa do he nɔn taa fini, ásɛ he jemɛ kɛŋɔ menee Korowii.”

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Samoɛl 19:20

o tomɛ o bonɔɔna ŋɔ bá la ka lawɔ. Baa laŋa la, ba nao kɛŋɔ Korowii keamere aa wara dɛɛ bol Korowii wa, asɛ Samoɛl tɔ ba sie. Belaa Korowii Doma ba so Sɔɔl bonɔɔna la nɛɛ kpeɡri nɛ, asɛ ba ɡe ɛɛ bol waa la ane dɛɛ sa.

1 Samoɛl 3:20

Anomanta, Israel harɛ ta bwa, le Dan dea harɛ waa lɔ weekaŋle harɛbɔr, ka tel bwɛɛ Beɛseeba waa lɔ weekaŋle nyundua bwa jemɔ kɛŋɔ Samoɛl ɛ Korowii keame.

Mmarare 18:18

Mɛɛ tomɛ n keamee ó ba bol n waa dɛɛ tɛɛ ba ɡɛ maa tomɛ nɔ. Ba ɡbaɡba dwee binii wɛɛ ba lee. Mɛɛ kpɔ n waa tɛo, ásɛ o bol anɔ la bwa maa doo bwa baɡ ba.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 4:18

Asɛ ba berɛ yer ba jo dea dɛ aah ba ŋɔ ba bɛ too bol wobɛlbwa bobɛlbwa Yeesu sɔn ta kpa!