Emɔs 1:5 - mzwDBL

⁵ Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”

Emɔs 1:5 ပူးပေါင်းရင်းမြစ်များ

2 Koranar 14:28

Kooro Jɛroboam waa teŋa nɛɛ bwara waa aa kaa, ne anɔ la waa ɛa, laa waa yoa, ne ɡɛ waa lɛ bwɛjena Damaskɔs ne Hamat aa lɔ Juda harɛ ta tɛ Israel tena la, ba chwera do Israel Koranar Waa Tɔne bini.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Jeremia 50:36

Hé ka kpoo keame nyosonteŋna la. Ba ɡɛnɔ kohona! Hé ka kpoo ba banyoola. Ɔmee kohona chole ba nɛ.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 27:23

Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be.

Ɛsekeɛl 30:17

Baa kpoo bonɔɔna baa lɔ bwɛjena Hɛleopɔles ne Bubastis laa taa, ásɛ dɛ lawɛ bwɛjena la nɛra bane kaa.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Emɔs 9:7

Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Neehum 3:13

He laa tena bwa berɛ haahna. He bwɛjena doonyoo pilo paɡri nɛɛ tɛ he dɔma, a doonyoo ɡbeni bwa fuoh.