Emɔs 1:3 - mzwDBL

³ Korowii ŋɔ, “Damaskɔs tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lɔɔ Gelead tena nyubinikpeɡ ne, kɛŋɔ baa lɔ mea pɛla ta ken.

Emɔs 1:3 ပူးပေါင်းရင်းမြစ်များ

1 Koranar 19:17

Nomɛlbwa waa chwa le Hasael kpoe nyoa la, Jehuu dɛ́ kpoo. Elaesa ɡee dɛ́ kpo banɔ la Jehu aa wola ban dɔ kpo la.

2 Koranar 13:3

Anomanta, Korowii baah di Israel tena nɛɛ taeh, asɛ o kpɔ ba do Siiria Kooro Hasael, ne o bibaa Bɛn Hadad lɔɡa biɡri.

2 Koranar 13:7

Siiria Kooro Hasael ne o laa tena pɔ Israel tena nɛ, dɛ ɡel Kooro Jehoahas laa tena mule. O laa tena baa kaa laanee, nɛra baa jemɛ jaɡre ta soɡa fifraanue, ne torɔɡore fi, dɛ laa tena baa dɛ valɛ harɛ nɛra kaɡboŋa fi. Siiria laa tena kpoo ba kabora, dɛ tiɡri ba do harɛ kɛŋɔ pɛla ta teera ken.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

Job Tɔn 19:3

Saŋ bɛlbwaa hɛɛ chɛɡ mɛ, sihiih aa heyaa kpo ɡɛ haa dɛ sopa mɛ nɔ naa?

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

Wejereme 11:2

Bɔne he kwaa haa dɔa bini ane tɛ nɛra banuanɛ kɛɛ banuatoro, dɛkalkɛ haa jemɛ saŋ chɔɡa aa ba harɛ la ta.

Aesaya 28:27

Waa kontɔɡ kpɔe dɛɛ lɔ konjeɡre kɛŋɔ jule. Daa waa maɡraa o kpɔ dɛɛ lɔa, ásɛ a bɛ peɡri.

Aesaya 41:15

Hé na, mɛɛ ɛ heyaa kɛŋɔ kon baa kpɔa dɛɛ erɛ boyu onfale o do nyɛɡre, ásɛ he kuuɡi bwejaŋa dɛ́ paɡra, dɛ́ bur deŋɡarere kɛŋɔ tutuɡ ken.

Aesaya 7:16

A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.”

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Emɔs 1:13

Korowii ŋɔ, “Amɔn tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba yo laa dɛɛ nyin ba harɛ do kan, anomanta, ba kpoo Gelead tekpoŋra, dɛ ya ba teene.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Sekaria 9:1

Waa aa le Korowii bee nɔ. O dɛ ba ba chɔɡ Hadrak harɛ ne bwɛjen Damaskɔs. Nɛra ne Israel deene bwa sie lɔ Korowii nɛ,

Sekaria 9:2

ne Hamat o ne Damaskɔs aa do jwɛh, ne bwɛjena Taaya ne Sidon tena baa dɔ wejema la jao.