Emɔs 1:2 - mzwDBL

² Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”

Emɔs 1:2 ပူးပေါင်းရင်းမြစ်များ

Yela 29:4

Korowii taa kpeɡri, dɛ do kan, dɛ dɔ jirima kohona.

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Jeremia 12:4

Saŋ besoo harɛ nɔ ɛɛ ba hola ka tel mɔɔ kpɔɡa bwa hol ɔ? Dɛkalkɛ nyubinikpeɡ tena soɡe o ta, a ɡel kpɔɡ bini ola ne jumbii bwa serewe. A bwa habɔɔ la, nɛra la dɛ bol ŋɔ, ‘Korowii aa waa aa pu yaa nae ba.’ ”

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Jeremia 25:30

Hen Jeremia, bol n waa la ba be ŋɔ, ‘Korowii dɛ kɔɡre kɛŋɔ nyujente dɛ le nyundua dɛɛ ba. O taa do kɛŋɔ bwaala kɔra, dɛ le o soŋnibɔr waa do ɡoroŋ bela, dɛɛ nyɛɡ o nɛra baa lɔ o harɛ nɔ ta nɛ. Wɛɛ tiɡri ba nɛɛ kɛŋɔ ba yon dɛɛ tiɡri ɡrepo daa nɔna la ken.

Jeremia 28:8

Keamere baa tɔ n ne he sie saŋ la bolɔ ŋɔ, harɛre nɛra ne koojena ɛɛ serewe laa taa, ásɛ lɔr ne weechɔɡa ɡe kpoo bane.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Hosia 13:8

Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Joel 1:19

N Naa Korowii, henee n wi dɛɛ no, nii fuh kondɛɛra dibɔra, dɛ fuh kpɔɡ bini daa bwa.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Emɔs 9:3

Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

1 Samoɛl 25:2

Dɛ baa bɛl lɔ bela dɛ bɛne bwɛɛ bɛl baa dɛ yerɔ Kaamɛl dɛ dɔ suuɡa ne harɛ kohona. O berɔ dɔ boohna kaɡboŋ, dɛ peera ɡe kaɡboŋa atoro dɛɛ fonɛ a pona Kaamɛl bela.