Emɔs 1:11 - mzwDBL

¹¹ Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Emɔs 1:11 ပူးပေါင်းရင်းမြစ်များ

2 Webena 20:10

Taraken, Amɔn ne Moab ne Edom tena balɔ dɛ́ ba yo yaa. Ya naawa fa aa le Ijipt harɛ ta dɛɛ ba la, he ta ɡelɛ ba jo ɡɛ harɛre la ta. Ba valɔ dɛ bar ba, dɛ ɡel ba kpoora.

2 Webena 20:11

Na waa taraken baa kpɔa dɛɛ ba ba bɔ yaa kem kɛŋɔ, bá doŋi yaa le harɛ haa kpɔa tɛ yaa o ɛ ya kapɛrɛ kon la ta.

2 Webena 28:17

Dɛ Edom tena berɔ ba yo Juda tena, dɛ lawɛ nɛra laa ta kaa,

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 85:5

He baah ɛɛ di ya nɛɛ saŋ bɛlbwaa dɛɛ la ɡɛ naa? He bandia nyoa aa sɔɔh bwa naa?

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Hosia 8:3

Israel tena vɛh waa aa wera, anomanta, ba dɔma ɛɛ ti ba a waa.

Joel 3:19

Ijipt harɛ dɛ ba pɛɛ chɔe, ásɛ Edom harɛ berɛ pua hɛŋle ɡbo harɛ, yoi baa kaa yo Juda harɛ ta tena, dɛ kpoo nɛra baa wola wechɔɡa ɛɛ la wa.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Mmarare 23:7

He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.