Emɔs 1:10 - mzwDBL

¹⁰ Anomanta, mɛɛ ɡeloo nii ba fuh danjwɛjena aa bar bwɛjen Taaya, dɛ́ fuh o dekpeɡa, dɛ́ chɔɡa.”

Emɔs 1:10 ပူးပေါင်းရင်းမြစ်များ

Jeremia 47:4

Filisti tena bwa chɔɡa tɔpere la telo, ba dɔma dɛ ba ba kpoo banɔ la bwa baa kaa, ásɛ nomɛlbwa aa won cha Taaya ne Sidon kpa. Men Korowiirii dɛ́ chɔɡ Filisti tena, ne nɛra ba fa aa soɡe Kret ekwi harɛ ta bwa.

Ɛsekeɛl 26:12

Dɔma la ɛɛ pa Taaya tena kondɔɔh ne kwaa baa dɛ di a bona bwaa. Baa taɡɛ ba danjwɛɛre bwaa ta, dɛ́ kuuɡi ba dedɛɛɡa ɡe bwa, ásɛ dɛ pa a bwekuŋe ne daa, dɛ teɡuŋe bwa ka ta mpo ta.

Ɛsekeɛl 26:4

Baa chɔɡ danjwɛɛ waa bar bwɛjen Taaya la bwaa, dɛ́ kuuɡi dejaŋa ɡe bwa. Mɛɛ ɡbaa teɡaŋa ne bwekuŋe bwaa le harɛ la ta, á ka bwetal ɡbo.

Ɛsekeɛl 28:18

He wechɔɡa ne kasinteŋ bɛ dii he bona dii ta ɡelɔ he kpɔ doŋa kah deene haa dɛ tomɛ a bini. A waa n ɡel nii ba le bwɛjen la ta, dɛ fuh o bwa dɛɛboo. Nomɛlbwa na ɡɛ bwɛjen la aa fuah dɛ berɛ tɔɔ.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Emɔs 1:4

Mɛɛ ba fuh koodem Kooro Hasael aa doo laanee, dɛ́ ba fuh Kooro Bɛn Hadad dekpeɡa la, dɛ́ chɔɡa.

Emɔs 1:7

Anomanta, mɛɛ ɡeloo nii ba fuh danjwɛjena aa bar bwɛjen Gasa la, dɛ́ fuh o dekpeɡa bwa, dɛ́ chɔɡa.

Sekaria 9:4

Kɛ Korowii ɛɛ laa Taaya kondɔɔh bwaa kpɔ, dɛ́ paa ka ta mpo ta, ásɛ nii fuh o bwa dɛɛboo ken.