Aesaya 9:19 - mzwDBL

¹⁹ Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Aesaya 9:19 ပူးပေါင်းရင်းမြစ်များ

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 13:18

Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Aesaya 60:2

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Ɛsekeɛl 20:47

Bol kɔr la be ŋɔ men Nemenɛ Korowii ŋɔ, ‘Cheɡ deŋne dɛ no! N dɛ ba ɡela nii ba fuih, ásɛ dɛ chɔɡ he daa bwa, anɔ la aa hola ne anlwɛɛne bwa. Nomɛlbwa toole dɛ́ won dime nii la. Aa le weekaŋle harɛbɔree dɛ́ fuh ba kaa weekaŋle nyunduabɔr, ásɛ a nyaa nomɛlbwa.

Ɛsekeɛl 9:5

N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Maeka 7:6

Bibaa ne o mɛɛ ɛɛ dɔmoo, bihaah ne o nya dɔm, ásɛ bihaah ne o helahaah ɡe dɔm, ásɛ nɛn lolanar berɛ o dɔma.

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Sekaria 11:9

Ate, n ŋɔ peera la be ŋɔ, “Maa won ɛ he teɡre kpa. Anɔ la aa sewɛ la, a sewɛ, anɔ la baa kpo la, ba kpoora, ásɛ anɔ la aa ka la di a bala ola.”

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

We-ɛɛla 2:20

Wee dɛ ba bira, ásɛ korobie swɛɛ kɛŋɔ chal ken mɔɔ Korowii jirima Tɔpejen la ba.

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.