Aesaya 9:18 - mzwDBL

¹⁸ Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Aesaya 9:18 ပူးပေါင်းရင်းမြစ်များ

1 Koranar 16:21

Israel tena bini pero anɛ, bane teŋɛ Ginat bibaa Tibni nɛ, dɛ fe ɛɛ chiɡu kora. Banɔ la baa kaa la ɡe teŋɛ Kooro Omri nɛ.

Yela 37:20

Nyubinikpeɡ tena ɛɛ serewoo, nɛra baa ɛ Korowii dɔm la do kɛŋɔ kpɔɡa aa wola biɡri la ken, baa nyoɡroo kɛŋɔ ninchuu ken.

Yela 68:2

Gɛ peu yon ta dɛ́ kpɔ ninchuu kaa la, ɡɛɛ he kpɔ ba kaa ta. Gɛ ba yon kpɔ nii dɛɛ mwɛɛ tohkel la, ɡel nɛnchɔɡa sewɛ he sie ɡɛ.

Yela 83:14

Gɛ nii yon fuh kɔr dɛ́ kpɛle bwejena dor bwa la,

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 33:12

Hɛɛ fuuh kɛŋɔ baa fuh kwaa dɛɛ ɛ tɛɡ, kɛɛ baa pa sɔɔhne do nii ta a fuh la.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 50:11

He banɔ la ɡe haa dɛ nyin hé chɔɡ he bala la, aa di he ɡbaɡbaa. Korowii ɡbabirii dɛɛ ba ɡela á chiɡ ɡɛ. Hɛɛ na waa kohonaa taeh.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Hosia 13:3

A ɡɛ nomanta, baa nyoɡroo warane kɛŋɔ kɔɔla aa tɔa chɔɔbɔr, kɛŋɔ mɛn aa wola biɡri dɛ a leo la, kɛŋɔ haahra peu aa taa dɛ kpɔa le pɛla ta kaa la, dɛ do kɛŋɔ chuu aa kpɔ tokoro ta dɛɛ le.

Joel 2:20

Mɛɛ doŋi tontombɛ aa do kɛŋɔ laa tena, dɛ le weekaŋle nyunduabɔr laanee le he be, dɛ́ taɡɛ ane ka ta pua hɛŋle ɡbo harɛ ta, ásɛ dɛ taɡɛ anla aa tɔ sie la ka ta Yar Mpo ta. Anɔ la aa lɔ habɔɔ ɡe, n taɡa ka ta Mɛdetereenea Mpo ta. Aa serewoo dɛ́ pɔh, ásɛ a sɔɔh kaa nyundua.” Kasinteŋ, Korowii ɛ wejena.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Emɔs 7:4

Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

Wepila 14:11

ásɛ chuu le bela baa dɛ na hɔhɔrɔwa la dɛɛ kaa nyundua saŋ bɛlbwa. Nɛra baa dɛ tomɛ olchɔɡe la ne kon la baa mao la, ne nɛra baa kpɔ o sɔn do ba nso la, baa hɔhɔrɔwa la taa le bwa, dɛ́ɛ na waa chɔɔ ne jwaana.”