Aesaya 9:14 - mzwDBL

¹⁴ Korowii ɛɛ tɛr Israel tena nomonome ne ba nɛra deŋnee. Wɛɛ teŋ baa ta kɛŋɔ baa teŋe daa nyundua ne o harɛbɔr bwa ta ken.

Aesaya 9:14 ပူးပေါင်းရင်းမြစ်များ

Aesaya 10:17

Korowii waa do kɛ kandea dɛɛ chaah Israel tena, wɛɛ berɛ niinii dɛɛ chɔɡ kwa. Korowii Waa Do Goroŋ Israel tena ɛɛ tomɔ la, ɛɛ berɛ ninlawee, dɛ́ fuh komɛlbwa tɔpebeŋkpoŋ, hale sɔɔhne ne jabalnadaŋɛ bwa.

Aesaya 19:15

Wobɛlbwa toole Ijipt tena won ɛ kpa, nomonome kɛɛ dansaara aa won cha ba, nɛnjena kɛɛ nɛmpɛɛne aa won cha ba.

Aesaya 30:13

he wechɔɡa ɛɛ ɛ heyaa kɛŋɔ danjwɛɛ waa pera dɛɛ ba chola, asɛ dɛ piɡri chole buɡ ta la.

Jeremia 6:21

Anomanta, mɛɛ ɡeloo ɡɛ nɛra nɔ lɔ naa dɛ́ choɡli. Lolanar ne ba bii ɛɛ serewoo, nɛra ne ba daamanar ɡe serewe.

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Wiile 4:16

Korowii ɡbabirii lɔ ba peɡre, o laa sie kpɔ ba nɛ. Nɛra aa sɔfore duu, baa nomonome ɡe kpɔe dɛɛ ɛ wobɛlbwa.

Hosia 1:4

Belaa Korowii ŋɔ Hosia be ŋɔ, “Kpɔ bwɛjen Jesreel sɔn pa he bie la. Aa biɡri ń ba tɛr Israel kooro deŋne, kpoe o naa Kooro Jehu aa kpoo nɛra Jesreel la wa, dɛ́ teŋe Jehu luɡe tena kora ta, Israel harɛ.

Hosia 1:6

A habɔɔ, Goma berɔ lolɛ bihaah, asɛ Korowii ŋɔ Hosia be ŋɔ, “Pa o sɔn Lo Ruhama, dɛkalkɛ maa nyin kɛ ń baɡle nyina Israel tena nɛ, maa ba wechɔɡa ɡee kpɔ kɛ ba kpa.

Hosia 1:9

asɛ Korowii ŋɔ Hosia be ŋɔ, “Pa bie la sɔn Lo Ami, dɛkalkɛ Israel tena ta n nɛra ɛɛ, baa men Korowii tomɛ.”

Hosia 10:15

Gɛɛ dɛɛ ba he Bɛtel tena nɛɛ chiɡa, dɛkalkɛ he wechɔɡa kan kohona. Awola tɔpere laa la aa pa mun la, baa ba kpo Israel kooroo.”

Hosia 13:3

A ɡɛ nomanta, baa nyoɡroo warane kɛŋɔ kɔɔla aa tɔa chɔɔbɔr, kɛŋɔ mɛn aa wola biɡri dɛ a leo la, kɛŋɔ haahra peu aa taa dɛ kpɔa le pɛla ta kaa la, dɛ do kɛŋɔ chuu aa kpɔ tokoro ta dɛɛ le.

Hosia 4:5

Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.

Hosia 8:8

Israel tena waa tonɔ, ba do kɛŋɔ konsala harɛre nɛra bini.

Emɔs 3:12

Korowii ŋɔ, “Gɛ peteɡre yon yo lɛ pee le nyujente nyoa, dɛ o nakpale anɛ ɡbo kɛɛ o deŋnekera ɡboo kaa la, ɡɛ tentenee mɛɛ ba Israel tena lɛɛ, banɔ la baa lɔ Samaria ne Damaskɔs dɛ yale ba kanedɛɛɡa ta bwa.

Emɔs 6:11

Dɛ Korowii ŋɔ ba taɡɛ demjena ne demjeɡre bwa ɡooɡe aa, baa taɡɛ a bwaa ɡooɡe, á paɡre buruburu ken.

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”

Wepila 18:17

dɛkalkɛŋɔ o kwaa waa dɔa ɡa la bwa fuoh dɔŋhwere beŋkpoŋ.” Ásɛ nɛra baa dɛ kah stiimaere, ne nɛra baa jo a bini dɛɛ la bobɛla, ne nɛra baa dɛ ɛ toma a bini, ne nɛra baa dɛ ɛ toma bwa soo siwi mpo ta che bojaŋ.

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”