Aesaya 9:12 - mzwDBL

¹² Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:12 ပူးပေါင်းရင်းမြစ်များ

2 Koranar 16:6

Gɛ saŋ dɛ Siiria Kooro Resin berɔ ba lɛ bwɛjen Elat, dɛ doŋi Juda tena le o ta. Asɛ Edom tena ba so bela, ba soɡe bela ba le fini.

2 Webena 28:18

asɛ Filisti tena ɡe ba lɔ tɔ Juda harɛ ta bwɛɛre aa lɔ deŋɡarere ta, ne Nɛɡɛv pua hɛŋle ɡbo harɛ tena nɛ. Ba yoo dɛ lɛ bwɛjena Bɛt Sɛmɛs ne Aejalɔn, ne Gɛdɛrɔt ne Soko ne Temna dɛ Gimso, ne a bwɛjeɡre aa bara bwa dɛ so a ta.

Yela 79:7

dɛkalkɛ ba kpoo he nɛra Israel tena, dɛ chɔɡ he harɛ.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Jeremia 15:7

Mɛɛ lɔ heyaa peɡre, ɡɛ ba yon palɛ mea la ken, bwɛjen doonyojena la ta. Mɛɛ kpoo he ne he biirii, dɛkalkɛ he ta liire charɛ le he wechɔɡa ŋwɛnɛre ta.

Jeremia 35:11

Kɛ Babelɔn Kooro Nebukadnesa ne o laa tena aa baa lɔ tɔ ya nɛɛ harɛ nɔ ta la, ya liiro kɛŋɔ ya chwa ba Jerusalam dɛ le Babelɔn ne Siiria laa tena nyoa. A waa ya so Jerusalam la.”

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Ɛsekeɛl 16:27

Anomanta, n nɔn dawɛ he nɛ, n lɛ he harɛ maa sweera dɛ kpɔ tɛɛ la pera, asɛ dɛ kpɔe do he dɔma Filisti tena baa hah waa haa dɛ ɛ nɔ nɔn ta.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Hosia 7:10

Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Emɔs 4:6

Menee ɡela lɔr chole he bwɛjena bwa ta, asɛ he paŋɛ kondikwa bwɛɛ bɛlbwa ta, kɛ he ta berɛ ba n be.

Emɔs 4:8

Nyɔɡre kpo bwɛjena nɛra ɡalɡa bane ba ɡwɛɡre, dɛ ɡaaɡe la bwɛjen bɛl ta dɛ́ ka nyin nee nyɔ, ba ta dɔe. Ane a bwa, he ta berɛ ba n be. Men Korowiirii bola.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’