Aesaya 8:7 - mzwDBL

⁷ mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Aesaya 8:7 ပူးပေါင်းရင်းမြစ်များ

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

2 Koranar 19:32

Asiiria koojen waa Korowii aa bola laanee nɔ. ‘Waa bwɛjen nɔ taa dɔ jo, a ba ɛ kɛŋɔ wɛɛ ta hɛm bonɔɔ. Waa konee kpɔ tɔ o te ɡbemɡbe dɛ́ ba o doonyoa, kɛɛ dɛ́ ma kon waa che o ta teeh jo o bini dɛ́ yo.

Ɛsra 4:10

dɛ nɛra bane Koojen Asubanipal waa dɛ di kpeɡri dɛ dɔ jirima kohona, aa doŋ ba le ba deremi ba so bwɛjen Samaria, dɛ Yufretis Moo wee cholibɔr harɛre ta la be.”

Yela 46:4

Nee bɛl ɡelɔ nɛra ɛɛ dɔ silɛɛ, Korowii bwɛjen la ta, Nemenɛ Korowii Dea waa do ɡoroŋ la ta.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 28:2

Hé na, Korowii dɔ nomɛl waa dɔ jirima o bwara ɡe do kpeɡri. O bala bini do kɛŋɔ dombwea aa dɛ lee la, kɛɛ dompeu chɔɡe waa taa dɛɛ chɔɡ kwaa la. Wɛɛ taɡɛ bwɛɛ laanee ɡo harɛ, kɛŋɔ bwaala yon nɛ kohona, dɛ́ chɔɡ kwaa dɛ́ pala kaa la.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Jeremia 47:2

O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 51:42

Mpo suu tɔ Babelɔn harɛ ta, o nehɛma tao ba bɔle o ta.

Ɛsekeɛl 26:19

Nemenɛ Korowii ŋɔ, “Mɛɛ ɡeloo bwɛjen Taaya chɔ pɛɛ kɛŋɔ bwɛjena aa paɡra nomɛlbwa aa wola toole a ta, dɛ́ kpɔ mpo ba tɔ o ta ó ka vil ta.

Daneɛl 11:10

Siiria kooro la bii ɛɛ boa laa tena damanta nyoa, dɛ́ kpɔ ba te, dɛ́ ka yoo ba. Baa su harɛ la ta bobɛlbwaa kɛŋɔ nee yon su dɛ́ palɛ dɛɛ kpɔ bobɛlbwa la, dɛ́ yo ka tel dekpeɡ waa lɔ ba dɔma bwɛjen doonyoa.

Daneɛl 11:22

Nomɛlbwa waa tɔŋlo la, hale dɛ Sɔfonomoa Korowii aa leo yoo, wɛɛ chɔɡoo.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Emɔs 9:5

Korowii, onee Koranar Bwa Kooro, onee kpɔ nɔn leɡe harɛ wɛɛ mwɛɛ, asɛ nɛra baa lɔ o ta bwa ɛɛ wi. Harɛ la bwa ɛɛ beɡre kɛŋɔ Nael Moo yon su, dɛ́ berɛ hweeh ka chɔ o buɡ ta la.

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

Amanesoma Luk Aa Chwera Tɔn 6:48

Naate do kɛŋɔ nɛn waa dɛ ba o dea doe, dɛ kwi o mun pae bɔɔ ka jaɡɛ bwetal ta mɔɔ dɛ ma dea la. Nee aa pala ba jo dea la mun la, o ta chole, dɛkalkɛ o doo kɛrɛdɛ.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.