Aesaya 8:4 - mzwDBL

⁴ Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Aesaya 8:4 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

Mmarare 1:39

He bechale haa ŋɔa baa laɡ ba laa taa baa wola wechɔɡa ne wedɛɛɡa jemɛ mɔɔ la, banee dɛɛ ba harɛ la ta tela. Banee mɛɛ ba kpɔe tɛ ó ɛ ba kon.

Aesaya 17:3

Bwɛjen baa ma danjwɛkpeɡ baro toole Israel harɛ ta kpa. Bwɛjen Damaskɔs ɡe aa koobwɛɛ ɛ kpa. Siiria tena ɛɛ ba ka tamaa ba jirima tonɛ, ɡɛ Israel tena jirima aa tona la.” Koranar Bwa Kooroo bola.

Aesaya 8:5

Korowii berɔ bol waa n be ja dɛ ŋɔ,

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Emɔs 1:3

Korowii ŋɔ, “Damaskɔs tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lɔɔ Gelead tena nyubinikpeɡ ne, kɛŋɔ baa lɔ mea pɛla ta ken.

Aesaya 28:4

Ba sitɔɔla la jirima dɛ ba dima, kɛŋɔ fiɡ daa nɔnloɡle bɛl aa tɔ sie swɛɛ, asɛ nɛn kpɔ di warane la.

Emɔs 1:5

Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”