Aesaya 8:20 - mzwDBL

²⁰ Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Aesaya 8:20 ပူးပေါင်းရင်းမြစ်များ

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Yela 78:5

O kpɔ o Mmarare tɛ Israel tena baa ɛ Jekɔb naanar, a do le tɛɛ ba. O baɡle ya naawa ŋɔ, bá kpɔ baɡle ba ɡe bii,

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Aesaya 8:16

Pa waa Korowii aa kpɔa tɛ mɛ la bwa pɛ. Marɛ o nyoa dɛ́ kpɔ cheɡ n habɔteŋra be.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Matiu 6:23

Dɛ a chɔɡɔ ɡe aa, amɔ dɛ he lɔ biro ta. Gɛɛ a do, dɛ he sie beɡre Korowii waa ta naa, dɛ he wobɛlbwa chaahnɔ. Kɛ dɛ he sie beɡre harɛ nɔ ta kwaa ta naa, he lɔ biro tenten ta.”

Amanesoma Mak Aa Chwera Tɔn 10:3

Anee o ɡe berɛ bɔɔ ba ŋɔ, “Ɛrɛɛ Mosis Mmara baɡle heyaa laɔ?”

Amanesoma Luk Aa Chwera Tɔn 10:26

Anee Yeesu chaŋo ŋɔ, “Ɛrɛɛ Korowii Tɔn la baɡle ɔ? Ɛrɛɛ hɛɛ no a mun ɔ?”

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

Tɔn Pɔɔl Aa Chwerɛ Rom Tena 1:22

Ba dɛ yerɛ ba te wejerema, kɛ ɡɛna ɡee ban.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

2 Pita 1:9

Kɛ nomɛlbwa waa wola a ɡɛ da nɔ dɔe la, o liire do toŋɡboŋ ken. Waa waa nyiŋe dɛɛ la sie. A ɡɛ te la soɔh kɛŋɔ Korowii laa o wechɔɡa o fa aa dɛ ɛ la fee o nɛ.