Aesaya 8:19 - mzwDBL

¹⁹ Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Aesaya 8:19 ပူးပေါင်းရင်းမြစ်များ

1 Webena 10:13

Kooro Sɔɔl kasinteŋ bɛ dɔe dɛ tɛ Korowii waa o sewɛ. O ta Korowii waa ta teŋɛ, hale dɛ ka bɔɔ dɛɛ le nɛn waa dɛ yerɛ lala be, ó baɡlo waa waa ɛ,

Lewi Dea Tena 20:6

Nomɛlbwa waa vɛh n toma dɛɛ la nɛn waa dɔ daabii dɛɛ yerɛ lala be la, n sie ɛɛ beɡre o nɛɛ dɛ́ pero le o nɛra bini.

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

Lewi Dea Tena 19:31

Hɛ́ɛ berɛ nɛra baa dɔ daabii ba ne lala ɛɛ bol waa be la. He dɛ ɛ ɡɛ naa, dɛ he kpɔ doŋa dɛɛ kah he te. Menee Korowii haa dɛ tom mɛ la.

Aesaya 29:4

Wɛɛ lɔ heyaa bil harɛ, he chɔ dɛɛ bol wa, he taa ɛɛ le tama tama ken. He wobol ɛɛ doo kɛŋɔ lale wobol dɛɛ le harɛ bini, aa baŋee le kohona.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

1 Samoɛl 28:8

Anomanta, Kooro Sɔɔl kpɔ laalafala do, ásɛ nomɛlbwa bɛ on jemɛ, asɛ dɛ kpɔ nɛra banɛ ja o nɛ, ba la haah la be jwaana la ne. Asɛ o ŋɔ haah la be ŋɔ, “Yerɛ lale maa yerɛ o sɔn tɛɛ nɔ tɛ mɛ.”

Mmarare 18:11

ne kabere dɛ lala yera we-ɛɛla ta jo.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

2 Koranar 1:3

Kɛ Korowii nyundua torome bɛl ŋɔ Korowii keame Elaeja waa le Tisbe be ŋɔ, ó ka cheme Samaria kooro toroma la dɛ́ bɔɔ ŋɔ, “Korowii Israel tena aa dɛ tomɔ toole kpa, asɛ he berɛ dɛɛ la Ekron voɡ Baal Sibub ta ka bɔɔ le o be nɔ naa?

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.

1 Samoɛl 28:16

Anee Samoɛl ŋɔ, “Dɛ Korowii berɛ habɔɔ kpoe dɛ ɛ he dɔm aa, ɛrɛɛ hɛɛ yer mɛ ŋɔ n ɛɔ?

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

1 Samoɛl 28:11

Haah la bɔɔro ŋɔ, “Ume lalee hɛɛ nyin ń yerɛ tɛɛ nɔ?” Kooro Sɔɔl chaŋe ŋɔ, “Yerɛ Samoɛl lale tɛ mɛ.”

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

Mumpar 41:24

Anɔ la aa wola wone ta pure la kpɔ anuanɛ aa ta pure la liɡli. Maa taara baɡle dobodobo tena la, bɛlbwa ta wone baɡ mɛ a mun.”

Aesaya 26:14

Taraken, ɡɛ nɛra la serewɔ, ba toole kpa, ba lala aa ir kpa. He tɛr ba deŋne dɛ chɔɡ ba, nomɛlbwa aa ba waa lii kpa bwa.

Aesaya 30:2

Ba ta men bɔɔrɛ no dɛ chiɡ ŋwɛnɛ ta dɛ la Ijipt harɛ ta, dɛ ka marɛ Ijipt kooro ó tɔ ba nɛ, dɛ́ lee ba le ba dɔma nɔn ta.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Aesaya 47:12

Anomanta, ir nyu ne, dɛ́ do sie he kaberere ne he dobodobo we-ɛɛla aa wara he le a ne bechale saŋ, dɛɛ ɛa la. A ken ɛɛ won ɛ waane, he ken ɛɛ won kpɔ aah he dɔma.

Aesaya 47:13

Jae bwa haa dɔa habɔɔ, he ta kpeɡri bɛlbwa dɔe. Gel wejerema baa jemɛ weweela wa, dɛɛ baɡle waa aa dɛ ba chiɡa korobie bɛlbwa ta, ir ba lɛɛ le waa aa dɛ ba he pui la ta.

Jeremia 27:9

Anomanta, he bɛ he keamere kɛɛ nɛra baa dɛ lii kɛŋɔ baa won baɡle waa aa dɛ ba wona chiɡ kerekere, dɛ che deera kɛɛ lala yera kɛɛ dobodobo we-ɛɛla ta be dɛɛ no. Ba bwa dɛ bol he be ŋɔ he bɛ he te kpɔ do Babelɔn Kooro Nebukadnesa lɔɡa.

Maeka 5:12

Mɛɛ chɔɡ he voɡra ne sɔm we-ɛɛla bwaa, ásɛ haa won dɛɛ voɡɛ kpa.

Mmarare 18:10

He bɛ he bibaala kɛɛ bihaahna kpoo, dɛ́ fuuh ba tɛ voɡa. He bɛ ajɔ kɛɛ sɔm ne voɡra ne bebee wa,

1 Samoɛl 28:7

Kooro Sɔɔl ŋɔ o laa nomonome be ŋɔ, “Hé nyin haah waa voɡa dɛɛ yerɛ lala tɛ mɛ, ásɛ n la ka bɔɔ le o be.” Anee ba ŋɔ, “Bɛl lɔ bwɛɛ Ɛndɔr.”