Aesaya 8:18 - mzwDBL

¹⁸ N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Aesaya 8:18 ပူးပေါင်းရင်းမြစ်များ

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Yela 71:7

Nɛra ɡalɡa hweli n we-ɛɛla, dɛ kpɔ dɛɛ ɛ wa, dɛkalkɛ henee cheɡɛ n habɔɔ.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Yela 22:30

Naanar baa ka ba bwa ɛɛ tomɛ Korowii, dɛ́ bol o waa baɡle ba biirere ne ba naanar.

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 7:16

A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.”

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

1 Webena 23:25

Kooro Devid fa bolɔ ŋɔ, “Korowii Israel tena aa dɛ tomɔ ɡelɔ o nɛra dɔ deŋnesɔɔhna, asɛ Korowii ɡbabir ɛɛ ba ba so Jerusalam saŋ bɛlbwa dɛɛ la,

Hibru 10:33

Ba chɛɡre heyaa dɛ ɛ heyaa hɔhɔrɔwa nɛra baah ane ta. Dɛ he dɛ cha nɛra baa dɛ ɛɛ ba hɔhɔrɔwa ane ta.

Aesaya 7:3

Belaa Korowii ŋɔ Aesaya be ŋɔ, “Yerɛ he bie Sea Jasub, ásɛ he ne o ka cheme Kooro Ahas bɔɔ baa kwiu feelɔɔ ken le nyundua tam la ta nee palɛ dɛɛ kpɔ o bini la harɛbɔr, ŋwɛnɛ baah ta bela baa dɛ ɛ yale toma la.

Ɛsekeɛl 14:8

N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.

Aesaya 8:3

Aa la sie la, n haah kpoŋe tea dɛ lolɛ bibaa. Asɛ Korowii ŋɔ n be ŋɔ, “Pao Mahɛr Salal Has Bas.

Mumpar 33:5

Esɔ na haahna la ne bechale la, dɛ pɛɛro ŋɔ, “Aah bamewa ɡee ja he nɛɛ nɔɔ?” Asɛ Jekɔb chaŋe dɛ ŋɔ, “A ɡɛ bii nɔ, Korowiirii sune n nɛɛ dɛ kpɔ ba tɛ mɛ.”

Mmarare 28:46

Anɔɔ dɛ́ ɛ deŋnetɛra Korowii aa ŋɔa wɛɛ kpɔɔ ba ta he nɛɛ la danseɛ, dɛ́ chɔ tɛ he ne he naanar saŋ bɛlbwa,

Aesaya 20:3

Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Ɛsekeɛl 4:3

Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.

Ɛsekeɛl 12:6

Bɔr aa dɛɛ jo la, dawɛ he laala la vam ta ba siwi ta, ásɛ dɛ le kaa. Kpɔ kon tɔ sie, dɛ bɛ harɛ haa dɛ kaa o ta la na. Gɛ haa ɛ laanee dɛ́ baɡle Israel tena wa.”

Yela 9:12

Hen Korowii dɛ lii nɛra ba bwara aa dɛ nyɛɡ ba wa, haa wii baa dɛ wi waa soh. He dɛ tɛr nɛra baa dɛ ɛ ɡɛ nɛra wechɔɡa la deŋne.

Amanesoma Luk Aa Chwera Tɔn 2:18

Nɛra baa cheme bela aa no waa nɔ la, ba bwa nyoa kpo waa peteɡra la aa bola la ta.