Aesaya 8:17 - mzwDBL

¹⁷ Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Aesaya 8:17 ပူးပေါင်းရင်းမြစ်များ

Mumpar 49:18

N Naa Korowii, n soɡoo dɛɛ kpa kɛŋɔ he ba dɛ́ ba lɛ yaa.

Job Tɔn 13:24

Ɛrɛɛ he laa sie kpɔ n nɛ, dɛ kpɔ mɛ berɛ he dɔm nɔɔ?

Job Tɔn 14:14

Nɛn sewaa, wɛɛ won ir dɛ́ dɔ mkpa ja aa? N fe ɛɛ ɛ tomaa dɛ kpa ka tel kɛŋɔ n wenaale bwa aa ba a jaɡa.

Job Tɔn 35:14

Job, dɛ ɡɛɛ yaa, ɛrɛɛ Korowii ɛɛ ba he be noe, a ba ɛ kɛŋɔ haa ŋɔa ŋɔ haa on na nɔɔ? He waa chɔ o sie, a chɛ kɛ he lawɛ bambile dɛɛ kpao.

Yela 130:5

N dɛ kpa sibeɡra ne kɛŋɔ Korowii ba cha mɛ. O waa la taa mɛɛ hwɛɡɛ.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 33:20

Ya hwɛɡa bwa lɔ Korowii nɛ, onee dɛɛ cha yaa, dɛɛ tɔ yaa ɡbemɡbe.

Yela 37:34

Hɛ́ɛ hwɛɡɛ Korowii nɛ, dɛ́ɛ teŋɛ o Mmarare ta. Wɛɛ ɡeloo hé dɔ harɛ la ta so, dɛ́ doŋi nyubinikpeɡ tena la he siwi ta.

Yela 39:7

N Naa Korowii, bɔkwaa mɛɛ nyin taraken jaɔ? N hwɛɡa bwa lɔ he nɛ.

Yela 40:1

N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 33:2

N Naa Korowii, na ya sum, he bee ya hwɛɡa bwa do. Nyiŋi ya nɛɛ he kpeɡri ne tɔpere bɛlbwa. Lɛ yaa dɛɛ le wenaale ta.

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Aesaya 64:4

Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Jeremia 33:5

Ba ne Babelɔn tena ɛɛ yo laalee, ásɛ ba deene su nɛra n baah aa dia n kpoo ba la. Nɛra baa lɔ bwɛjen nɔ ta wechɔɡa nomanta, n berɛ n habɔɔ kpo ba.

Hosia 12:6

Kɛ a chɛ kɛŋɔ Jekɔb naanar, hé berɛ ba Korowii haa dɛ tomɔ la be, hé kpoŋe nyina ne kasinteŋ, dɛɛ no o be saŋ bɛlbwa.

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

2 Tesalonika 3:5

Yá Dɔɔ Yeesu Kristo cha heya, ásɛ he won jemɛ nyina Korowii aa nyin heya, ne bambile Yeesu Kristo aa lawa o hɔhɔrɔwa la bini la.

Hibru 2:13

O toolo berɛ ŋɔ, “Mɛɛ kpɔ n hwɛɡaa do Korowii nɛ.” O berɔ ŋɔ, “N ne bechale Korowii aa tɛ mɛ laanee la.”

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.