Aesaya 8:13 - mzwDBL

¹³ Jemɛ kɛŋɔ Men Nemenɛ Korowii do ɡoroŋ. Menee chɛ kɛŋɔ hɛɛ ɔmɛ.

Aesaya 8:13 ပူးပေါင်းရင်းမြစ်များ

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Aesaya 29:23

Ba baa na ba bii ba bini, ɡɛ maa ɡela ba warɛ la aa, baa duu mɛɛ, dɛ́ sɛh kɛŋɔ menee Israel Nɛŋɡoroŋ la, dɛ́ ɔmɛ men Korowii baa dɛ tom mɛ la kohona.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 22:32

He bɛ n sɔndɛɛɡe waa do ɡoroŋ la chɔɡ. A chɛ kɛ Israel tena bwa jem mɛ kɛŋɔ n do ɡoroŋ. Menee Korowii, menee ɡela hɛɛ do ɡoroŋ,

Malakae 2:5

N ne Lewi dea tena fɔo la ɛ mkpa ne deŋnesɔɔhna n kpɔ dɛɛ tɛɛ ba. Gɛɛ dɛ́ ɡel baa ɔm mɛ kɛrɛdɛ dɛɛ duu mɛ.

Nɛra Kura 27:14

He ne o bwaa fa vɛh n wa, he ta waa maa do heya a ta la ta teŋɛ dɛ yarada kpeɡri maa dɔa la.” Gɛ saŋee Israel tena la ɛ deŋnekpeɡ Mɛreba waa bɛne Kades dɛ do Sin pua hɛŋle ɡbo harɛ ta la.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Tɔn Pɔɔl Aa Chwerɛ Rom Tena 4:20

O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

1 Samoɛl 11:7

O lawɛ nabala anɛ kpo, dɛ chɛwa dɛ kpɔ tomɛ nɛra Israel harɛ ta bwa ŋɔ, “Nomɛlbwa waa wola Samoɛl ne Sɔɔl nɛɛ teŋɛ la, kenii baa ba o nae kpoe dɛ chɛwa.” Korowii ɡelɔ ɔmee kohona chole ba bwa nɛ, asɛ ba pɛ nyoa ba ja Samoɛl ne Sɔɔl nɛ.