Aesaya 7:23 - mzwDBL

²³ Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo.

Aesaya 7:23 ပူးပေါင်းရင်းမြစ်များ

Mumpar 3:18

Sɔɔhne ne jabalnadaŋɛree dɛɛ ba harɛ la ta lee tɛɛ. Ásɛ hɛɛ di kpɔɡ bini kondikwa.

Aesaya 32:10

Benanyoa ne tɔpere tamaa bɛl habɔɔ la, he banɔ la haa soɡe bosɔɔhna ta la bwara ɛɛ sao, dɛkalkɛ daa nɔna toole hé chaa kpa.

Aesaya 5:10

Daa katori fi nɔna, ɡalɔŋre anue ɡbo senee dɛɛ ba koo la ta lee, ásɛ kuruware lafa kondwee haa dua la, hale kuruwa fi kwara, haa dɔ.”

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Aesaya 7:24

Nɛra ɛɛ kpɔ belaa berɛ kpaah bɔr, dɛ́ kpɔ hɛma jo bela. Harɛ la bwa dɛ ba sɔɔhne ne jabalnadaŋɛre ɡbo lee.

Jeremia 4:26

N nyiŋo, dɛ harɛpare ondɛɛɡe la berɛ pua hɛŋle ɡbo harɛ, o bwɛjena bwa berɛ dimɡbia, Korowii bandia kohona la wa.

Ɛsekeɛl 12:20

Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”

Hosia 2:12

Mɛɛ chɔɡ o ɡrepo ne fiɡ daa waa ŋɔa o sɛnanar la kpɔɔ bɔɔ kem la. Mɛɛ ɡeloo o daa kooni baah moɡɛ kohona, ásɛ kpɔɡ bini ola ba di a nɔna.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.