Aesaya 7:14 - mzwDBL

¹⁴ Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Aesaya 7:14 ပူးပေါင်းရင်းမြစ်များ

Mumpar 16:11

Dɛ berɛ ŋɔ o be ja ŋɔ, “Bie lɔ he be. Hɛɛ lolɛ bibaalee dɛ́ pa o sɔn Ismael, dɛkalkɛ Korowii no he suna wii.

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Mumpar 30:6

Anee Rakɛl ŋɔ, “Korowii bol n waa tɛ mɛ. O no n wesoŋa dɛ tɛ mɛ bibaa, asɛ dɛ pa o sɔn Dan.”

Mumpar 30:8

Asɛ Rakɛl ŋɔ, “N ne n nahaah yoo taeh, kɛ n pɔ o nɛ.” Anomanta, o pa bie la sɔn Naftale, o munii yoi.

Mumpar 4:25

Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.

1 Koranar 13:3

Awola tenten, keame la baɡle waane aa dɛ ba ɛɛ dɛ ŋɔ, “Kon baa dɛ ɛ saraha o ta nɔ bini ɛɛ peroo anɛ, ásɛ tɔɔ aa dawɛ o ta la fuɡe he jemɛ kɛŋɔ Korowiirii cheɡɛ n nɛɛ dɛɛ bol.”

Yela 46:8

Hé ba dɛ́ ba na toma Korowii aa ɛa, nyokpowaa waa ɛa a do ɔma ya harɛ nɔ ta.

Aesaya 38:7

Aesaya ŋɔ, “Korowii ɛɛ ɛ waanee á baɡle kɛŋɔ wɛɛ ɛ waa waa baɡɛ nyoa laanee.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Amanesoma Luk Aa Chwera Tɔn 1:31

Hɛɛ kpoŋe tea dɛ́ lolɛ bibaa, ásɛ dɛ pa o sɔn Yeesu.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 2:12

Waa haa che a ta jemɔ laanee nɔ. Hɛɛ na bie laanee kɛŋɔ baa kpɔ yal fɔrɔwo o chɔ kon jaɡre aa dɛ di kwaa o bini la bini.”

Amanesoma Luk Aa Chwera Tɔn 20:44

Devid fa aa dɛ yerɔ o Dɔɔ nɔ, aah dɛ ɛrɛɛ Kristo la berɛ ɛ dɛ ɛ Devid naa ɔ?”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Sitɔɔla 6:36

Belaa Gedeɔn ŋɔ Korowii be ŋɔ, “N Naa Korowii, dɛ hɛɛ che n nɛɛ dɛ́ lɛ Israel tena ɡɛ haa baɡ mɛ nyoa la aa,

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”

1 Samoɛl 4:21

O pa bie la sɔn Ikabod, dɛ baɡle kɛ Korowii jirima le Israel kaa, dɛkalkɛ ba kpɔ Korowii Ne Nɛwɛnyina Fɔo Daka la kaa, asɛ o helabaa ne o jaa bwa ɡe sewɛ.